قديم 2015-05-15, 11:54   المشاركة رقم: 1 (permalink)
المعلومات
الكاتب:

البيانات
التسجيل: Apr 2015
العضوية: 263
الجنس :
ذكــــــر
الدوله :
قطر
الحالة الاجتماعية :
آعــــزبـــَ
المشاركات: 773 [+]
بمعدل : 0.81 يوميا
عدد المواضيع : 803
عــدد الــردود : -30
اخر زياره : [+]
معدل التقييم: 0
نقاط التقييم: 0
تلقى إعجابات : 109
أرسل إعجابات : 2
الحالة:
Ć.ŖŎήaĻđo غير متواجد حالياً
Ć.ŖŎήaĻđo is an unknown quantity at this point
 


المنتدى : منتدى القصص والروايات
افتراضي رواية فصبرٌ جميل

رواية فصبرٌ جميل
قالت عائشة ل ندى : مالك يابطوتى ؟ أنا حساكى النهارده مضايقة .
قالت ندى فى حزن : لا أبدا بس مخنوقة شوية
قالت عائشة بقلق : خير ياحبيبتى فى أيه ؟
قالت ندى فى تردد : عائشة أنا عايزة أقولك حاجة بس مش عارفة أقولهاإزاى ؟
قالت عائشة : قولى ياندى ياحبيبتى خير إن شاء الله
قالت ندى : أنا .... أنا.... صمتت قليلا ثم قالت : أنا معجبة بواحد
شهقت عائشة من الدهشة ثم ابتسمت قائلة : ياشيخة وقعتى قلبى .... قولت ده فيه مصيبة
قالت ندى : أنا بتكلم بجد ياعائشة
ضحكت عائشة وغمزت بعينها ثم قالت بخبث: شكلك وقعت ياجميل ومحدش سمى عليك
تضايقت ندى وقالت : يووووه بقى ياعائشة بطلى بقى .. أنا غلطانة انى قولتلك
حاولت عائشة كتمت ضحكاتها وقالت بجدية مصطنعة : نتكلم بجد بقى ثم صمتت قليلا تحاول إعادة طبيعتها والتحدث بجدية أكثر : خير ياحبيبتى أيه فيه أيه يعنى ؟
نظرت ندى إليها متعجبة : بقولك معجبة بشخص ..... تقوليلى فيه إيه أنا بجد مخنوقة قوى
قالت عائشة : مخنوقة ليه بس مش حرام الإنسان يحب .... بس الحرام إنه يستعمل الحب ده فى غضب الله .
قالت ندى مستفهمة : يعنى أيه ؟ مش فاهمة .
اعتدلت عائشة فى جلستها وقالت : هقولك ياسيتى ..... يعنى الحب عمره ماكان حرام ولا حاجة ... بس احنا اللى بنخليه حرام أو حلال .... يعنى أقدر أقولك إن الحب كمان سلاح ذو حدين بإيديك تخليه حرام وبإيديك برده تخليه حلال ويرضى ربنا
قالت ندى : مش فاهمة وضحى ؟
قالت عائشة : يعنى ياستى الحب فيه منه الحلال ومنه الحرام ... الحب الحرام هو اللى منتشر دلوقتى مع الأسف ... يعنى تلاقى اتنين بيحبوا بعض تلاقيهم ماسكين إيد بعض وكلام حب وغرام وخروجات مع بعض وهدايا وكلام فى الفون طول الليل كل ده معاصى ده حتى بصيته ليها حراام وطبعا ده انتشر بفضل المسلسلات والأغانى والأفلام اللى مالية الدنيا دلوقتى وطبعا الهيح والميح ده من غير مايربطهم أي علاقة شرعية .
قالت ندى : قصدك خطوبة يعنى ؟
قالت عائشة : لا طبعا خطوبة أيه .... يابنتى الخطوبة دى وعد بالزواج وليس زواج يعنى برده ميحليلوش أنه يمسك إيديها ومع الأسف ده المنتشر ويقولوا ده بقى خطيبى أو بقيت خطيبتى كأنهم بيقولوا دى مراتى أو ده زوجى ده كله حرام أساسا
قالت ندى : أمال أيه الحب الحلال بقى ؟
قالت عائشة مبتسمة : الحب الحلال ده له طعم تانى خالص ... أولا لما تلاقيه بيغض بصره عنك ده دليل قوى انه بيحبك وعايز يحافظ عليكى حتى من نفسه ويجى بسرعة يتقدملك لو مقتدر عشان خايف لتضيعى منه ولو مش مقتدر يتقدملك تلاقى اسمك على طول فى دعائه لربنا وهو يقول يارب إنى أحبها فاجعلها خيرا لى فى دنياى وأخرتى واحفظها ليا يارب ... هو ده الحب الحلال
وثانيا :لما يخطبك تلاقيه برده محافظ عليكى من نفسه وبيراعى رضا ربنا فى علاقته معاكى عشان ربنا ميحرموش منك وأول كلمة حب يقولها ليكى بعد كتب كتابكم يعنى وإنتى حلاله... هو ده ياندى الحب الحلال .
تنهدت ندى براحة وقالت : الله حاجة حلوة قوى .... تعرفى ياعائشة أنا شوفته مرة واحدة بس وبعدها غضيت بصرى ع طول وهو أساسا كان مش بيبص عليا وحبيبته بعدها لما سمعت كلام أحمد أخويا عنه وعن تدينه ووقوفه مع اخويا لما بابا توفى ووقفه معاه فى المشاكل اللى فى الشركة وعلى طول بيطمن عليه وهو اللى خلى أحمد يتجه للدين وبدأ يبعد عن حاجات غلط فى حياته ..... فحبيته لسيرته الطيبة والدينية دى وكل لما اسمع اسمه قلبى يدق أوووى وبتوتر جدا وبضايق فى الأخر مش عارفة أيه ده واعمل أيه .
قالت عائشة مبتسمة : تعرفى ياندى فكرتنى بالسيدة أسماء لما كانت سمعت عن سيدنا الزبير وعن قوة إيمانه وتحمله لعذاب أبوه عشان الدين ولما قالت لأبوها أبو بكر وكان محتار يقوله إزاى تعالى اتجوز بنتى لكن سبحان الله سيدنا الزبير راح طلب ايد السيدة أسماء منه وسيدنا أبو بكر كان متعجبا جدا وأخذ رأى السيدة أسماء وتم الزواج .... لكن إنتى ياندى خليكى قوية وادعى ربنا دايما إنه يجعله خير ليكى فى الدنيا والاخرة ولما تشوفيه ياندى غضى بصرك واستغفرى ربنا كتير عشان تبعدى شيطانك عنك .... وإن شاء الله يكون خير ليكى بس اصبرى وعليكى بالدعاء .
تنهدت ندى بارتياح قائلة : ربنا يخليكى ليا ياعائشة وميحرمنيش من نصايحك الجميلة يارب ويجعله فى ميزان حسانتك
قالت عائشة : وميحرمنيش منك ياندودة ياحبيبتى ونفضل كده نأخد بايد بعض للجنة


انتهى أحمد من عمله وتوجه إلى مكتب ( علياء ) التى كانت بانتظاره للخروج معا ... عندما سمعت علياء دقات أحمد على باب مكتبها ... هبت واقفة وحملت حقيبتها ثم فتحت الباب مبتسمة قائلة : خلاص أنا جاهزة ..
ابتسم أحمد قائلا لها : طيب يلا
وغادرا الشركة وركبا السيارة وانطلقا
قال أحمد الذى كان يقود السيارة : هاه فكرتى هنروح فين ؟
علياء بدلال : مش عارفة بس تعالى نتغدى وبعدين نشوف هنروح فين
أحمد : تمام ... زى ماتحبى ياحبيبتى
توجه أحمد وعلياء إلى المطعم وتناولا طعامهما وحينما انتها من تناول الطعام استئذن أحمد علياء بأن يذهب إلى الحمام لغسل يديه وعندما خرج من الحمام سمع أحد العاملين بالمطعم يشير إلى علياء قائلا لزميله : أنا مش فاهم إيه لازمتها الطرحة اللى هى لابسها دى ده جسمها كله ماشاء الله واضح وضوح الشمس .
فرد عليه الأخر قائلا : عندك حق والله ... أهلها إزاى سيبنها نازلة كده ملهاش أب ولا أخ ولا زوج يشكمها ويقولها كده عيب .
زميله: هى جات عليها ده احنا فى زمن مايعلم بيه الا ربنا .



اغتاظ أحمد من هذا الكلام وشعر بضيق شديد فكل ماقاله العاملان صحيح ... فهى من اعطت الفرصة لهما ولغيرهما بالحديث عنها هكذا ... إنها المخطئة وليسا العاملان .... اتجه أحمد مباشرة إلى الطاولة التى تجلس عليها علياء وقال لها بحدة : روحى استنينى عند العربية هدفع الفاتورة وهحصلك
قالت علياء متعجبة من نبرته الحادة :فيه أيه ياأحمد أيه اللى حصل ؟
قال أحمد وقد زادت نبرته حدة : اسمعى الكلام وروحى اعملى زى مابقولك .
حملت علياء حقيبتها وخرجت من المطعم ... ودفع أحمد الحساب واتجه الى سيارته وركبا معا ثم انطلقا بها دون ان يتفوه بكلمة
لم تشأ علياء التحدث معه على الرغم من دهشتها من تغيره المفاجئ .... وبعد قليل أوقف أحمد سيارته وقال لها بنبرته الحادة :انزلى
قالت علياء بدهشة :انزل فين ؟ هنا ؟
قال أحمد بصوت أكثر حدة : بقولك انزلى ياعلياء
نزلت علياء ثم نظرت إليه باستنكار قائلة : أيه ده ياأحمد ؟ أنت جايبنى فين ؟ ............













رواية فصبرٌ جميل

آخر مواضيعي

رواية فصبرٌ جميل

قنوات iptv على Samsung سمارت تي في


افضل برنامج تشغيل لكرت USB easycap +تعريف+سيريال+البرنامج


تحديث معـدل لـ Géant 2500HDNEW النسخة V1.46


سحب كشف نقاط شهادة التعليم المتوسط 2015


التحويلات الجديدة gn-2500 hd plus


عرض البوم صور Ć.ŖŎήaĻđo   رد مع اقتباس
إضافة رد

مواقع النشر (المفضلة)

الكلمات الدلالية (Tags)

دليل, رواية, فصبرٌ

المواضيع المتشابهه
الموضوع كاتب الموضوع المنتدى مشاركات آخر مشاركة
واسيني الأعرج يتبرع بمبيعات رواية لمعتقلي فلسطين أم التوام أخبار الجزائر 3 2015-05-14 02:32
لعشاق رواية '' الأسود يليق بك '' لأحلام مستغانمي Ć.ŖŎήaĻđo منتدى الكتب الإلكترونية 0 2015-05-11 18:11
دليل التربية الإسلامية –دليل المعلم س1 محمد إسلام قسم التحضيري و الأولى ابتدائي 0 2015-03-02 19:22
دليل اللغة العربية – الأولى (1) ابتدائي – دليل المعلم محمد إسلام قسم التحضيري و الأولى ابتدائي 0 2015-03-02 19:13


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : متاحة
المصادر : متاحة


 

الساعة الآن 11:51 بتوقيت الجزائر
المنتدى غير مسؤول عن أي اتفاق تجاري أو تعاوني بين الأعضاء, فعلى كل شخص تحمل مسئولية نفسه.
التعليقات المنشورة لا تعبر عن رأي منتديات الوادي انفو ولا نتحمل أي مسؤولية حيال ذلك (ويتحمل كاتبها مسؤولية النشر).


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO TranZ By Almuhajir, منتدى الوادي , منتدى وادي , منتدى الجزائر