قديم 2015-12-19, 23:00   المشاركة رقم: 1 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.79 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


المنتدى : قسم المنزل و متطلباته
فراشات برنامج رائع لتنظيف البيت



الاسبوعي :

الاثنين:

الصباح نمسح الثلاجة ونبدل إزور بيوت النعاس ونطوي الماريوات تاعهم وبالليل كانخرج الصابون من السلال (انانحط سلة في الكوزينة وسلة في كلوار طابق بيوت النعاس وسلة قرب ماكينة الصابون) ونحطو في سلة اللي قرب ماكينة الصابون ونرجع السلال بلاصتهم.

الثلاثاء :

صباح انفرز لحوايج النقاية نحطهم في الماكينة اتوماتيك واللي مسخين نصبنهم بالعادية تخذ مني هذ العملية ساعة ونصف حتى ساعتين بالنشير وجميع الماكينة ومسحها ونغسل السطولة ونرجعهم بلاصتهم ونجفف مكان الصابون ونهبط.
عشية نهبط الصابون من بعد مانطويه في السطاح وحوايج المصلوح انصلحهم في بيت الصابون فالسطاح.
انجمع مقابط الصابون فسطيلةتاعهم ونسدها ونرجعها بلاصتها ونبدى نستف ونرجع لحوايج من السطاح لبلاصتهم
فوطات حمام السطاح
وزيوف وسرابت كوزينة السطاح
وعندي واحد لبلاصة خاصة في بيت الصابون نحط فيها فراشات الحمامات وريزرف فوطات السطاح وبعض الزيوف اللي نرgهم من لحوايج لقدام ونحتفظ بيهم لمسيح النحاس وبحال لامينيو ولا شي حاجة بحال هذ الغراض

ونرجع فوطات الحمام لصيكان الحمام (كل واحد دايرة ليه صاك وتروس فيها كيسات الحمام مشطة حكاكة لgدام شامبو صابون الحجرة صابون الريحة جل دوش باط ديال صابون البلدي صابون سنان ماكينة حسانة جديدة كل اسبوع لاتروس تاعي ووتاع بنتي فيها مقبط ديال الشعر،
ولنا انا وبنتي 4 سطولة كبار كل وحدة 2 فلون نفس لون الفراشة والغراف والصندالة ديال الميكة خاصين للحمام) وهكا كل واحد عارف صاكو وموجود في اي وقت ودايرة صاك زيادة على حسب الضياف اللي يطولو باش يمشو للحمام.

ونهبط لبيوت النعاس ندخل حوايج كل واحد لماريوه ونحط ايزور النعاس في بيت لفراش.
ومن بعد نهبط لصالات نحط فوطات تحت الفاسكي ديال قاع الدار
ونحط فوطات حمام الضياف وفوطات الحمام اللي مع الصالات وكانستعملوه اكثر شي
وندخل السرابت وزيوف وشيفونات وفرشات الكوزينة وgرارص الخبز لمجورة بلاصتهم ونابات الطوابل ونطلع نرجع سلال لحوايج لبيت الصابون ونهبط.

الاربعاء:

انمشي نجيب اي حاجة خاصة لدار من مواد تنظيف اعشاب بقوليات رز دقيق …الخ
(لهذا الغرض كانحط واحد المذكرة في الكوزينة وكل ماشفت شي حاجة خاصة انسجلها فيها ملي نبغي نمشي لسوق انقطع غير الورقة باش هذيك المذكرة تبقى دائما بلاصتها

الخميس:

انسيق الدار ولهذ الغراض انشد واحد السيدة من سنين وهيا معايا تجيني 4 مرات فالشهر تسيق معايا الدار ونمسحو بلاكارات الكوزينة ومرايات الحمامات.(سيمانة كلشي يتسيق وسمانة بيوت النعاس كانكتفي بتجفافهم)
كانخمل بيت الخزين وهذ العملية فيها فرز المواد حسب التاريخ(هذا بيت كانحط فيه السلعة وفيه الكونجيلاتور والدقيق والمشروبات من ماء ومونادا وغيرو ومواد التنظيف لاني بعيدة من السوق)

الجمعة :

راحة من التخمال

السيت :

الصباح كانخمل بيت لخزين هذ البيت فيه المواد الغدائية والكونجيلاتور والدقيق والمشروبات لاني بعيدة من السوق واصلا متعودة نشري مقدية شهرين واكثر ومواد التنظيف وعملية التنظيف ماتشد مني بزاف لانو اصلا صغير وكانفرز التاريخ ديال المواد ونقدم اللي تاريخها قرب ينتهي
ومن بعد لغداء الاهتمام بالجسم والذهاب للحمام وتكسيلة فاعلة تاركة

الاحد:

راحة ونوم طويل خاااااااااارج التغطية احيانا حتى ل12 ديال النهار حسب البرنامج الى فيه شي خرجة انفيق مع 10 ولا 11.


البرنامج الشهري

الاثنين الاول من كل شهر :

انجيب واحد السيدة حادقة وخدمتها من داك الشي اتعجن لي لمسمن والملوي والرزيزة بالليل قبل ننعس انديرهم فالميكات وندخلهم للمجمد.(انا بصراحة ماكنعرف ندير الملوي ولا الرزيزة جربت شحال من خطرة ندير الملوي ماصدق لي اما الرزيزة ماعمرني زعمت عليها)

الثلاثاء الاول من كل شهرين :

كاتعجن لبينيي والبيتزات الصغار (هذو الان كانديرهم بنفسي ولكن فاش كان راجلي عايش كانت هذ السيدة كاتتكلف بكل المعجنات لاني مانلقى الوقت)




الثلاثاء الثانية من كل شهرين :


اتصاوبلي البسطيلات الصغار ولكبار والسيgار حوت وداجاج وبيبي ( الان نصاوبهم بنفسي)

الخميس من كل شهر :

انخرجو فراش الصالات يتشمس وتسيق كل الدار

ولامينيو والنحاس وصابون لفراش والزرابي حسب الظروف الى بانو توسخو كاندير اسبوع كامل نشد السيدة اللي كاتساعدني وايدي بيدها مرة كايكون كل3شهور ومرة شهرين ومرة اكثر

وكل شهرين:

نهار نصاوب العصير الاقتصادي (تاعالليمون بحدوو ديال الليمون مع انواع الفواكه ونصاوب تاع الحامض مع النعناع بحدو والحامض بحدو وهذا ايشد لي اليد مرات حتى 7 ولا ال8 ديال الليل لاني انصاوب كمية تديني شهرين وندخلو للمجمد)
ونهار نشري كمية كبيرة تاع المعدنوس ونغسلو ونقطعو بالماكينة وندخلو للمجمد (انا ماكنديرش القزبور فالاكل تاع)
ونهار ماندير اللوبية والباربة وخيزو واللفت والجلبانة وغيرها من الخضر فالمجمد
ونهر اندير الثومة مع المعدنوس ونديرهم في مكعبات الثلج ونجمدهم ومن بعد نخرجهم ونجمعهم في بلاستيكة والى المجمد وفين ماحتجت ليهم نجبدهم

ونهار نجيب الدجاج ونغسلو ونشرملو والى المجمد
وهكا كل شهر عندي شغل ديال المجمد مرة كفتة مرة لحم يتقطع ويتفرق فلبلاستيكات ..الخ

و مولات المعجنات كانجيبها غير قبل رمضان وباقي السنة انا كانصاوب لمسمن والكريب والكيكة والالبيتزات والبسطيلات الصغار لكبار ماكنصاوبهمش غير الى جاوني الضياف

والحلويات مانديرهمش دائما والى حتجت لكمية كبيرةنشريها من عند واحد السيدة تصاوبها روعة لاني انا ماعنديش مع الحلويات.

منقووول













برنامج رائع لتنظيف البيت

آخر مواضيعي

برنامج رائع لتنظيف البيت

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016


عرض البوم صور أم التوام   رد مع اقتباس

قديم 2017-01-01, 05:13   المشاركة رقم: 2 (permalink)
المعلومات
الكاتب:

البيانات
التسجيل: Jan 2017
العضوية: 4834
الجنس :
ذكــــــر
الدوله :
السعودية
المشاركات: 19 [+]
بمعدل : 0.05 يوميا
عدد المواضيع : 0
عــدد الــردود : 19
اخر زياره : [+]
معدل التقييم: 0
نقاط التقييم: 10
تلقى إعجابات : 0
أرسل إعجابات : 0
الحالة:
مايكروسيستم غير متواجد حالياً
مايكروسيستم is on a distinguished road
 


كاتب الموضوع : أم التوام المنتدى : قسم المنزل و متطلباته
افتراضي

شكرررررررررا جزيلا











آخر مواضيعي
عرض البوم صور مايكروسيستم   رد مع اقتباس
إضافة رد

مواقع النشر (المفضلة)

الكلمات الدلالية (Tags)

لتنظيف, البحث, برنامج, رائع

المواضيع المتشابهه
الموضوع كاتب الموضوع المنتدى مشاركات آخر مشاركة
تحميل برنامج KCleaner لتنظيف الويندوز محمد إسلام منتدى برامج الكومبيوتر وشروحاتها 5 2017-09-25 00:34
برنامجك اليومي لتنظيف وترتيب البيت " للاستفادة من خبرات بعضنا البعض " أم التوام قسم المنزل و متطلباته 25 2015-10-16 16:49
برنامج (( CCleaner )) لتنظيف الويندوز أم التوام منتدى برامج الكومبيوتر وشروحاتها 2 2015-06-08 20:37
طريقة رائعة لتنظيف البيت دون تعب أم التوام قسم المنزل و متطلباته 1 2015-05-31 12:45
برنامج رائع لتنظيف الريجستري والملفات الغير مرغوب بها في نظامك NETGATE Registry Cleaner 8.0.605.0 MiDo ElTop منتدى برامج الكومبيوتر وشروحاتها 2 2015-05-12 00:34


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : متاحة
المصادر : متاحة


 

الساعة الآن 23:29 بتوقيت الجزائر
المنتدى غير مسؤول عن أي اتفاق تجاري أو تعاوني بين الأعضاء, فعلى كل شخص تحمل مسئولية نفسه.
التعليقات المنشورة لا تعبر عن رأي منتديات الوادي انفو ولا نتحمل أي مسؤولية حيال ذلك (ويتحمل كاتبها مسؤولية النشر).


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO TranZ By Almuhajir, منتدى الوادي , منتدى وادي , منتدى الجزائر