المطبخ الجزائري و جميع الاكلات الشهية - عالم حواء عجائن , عصائر, فطائر, اطباق رئيسية , حلويات , تطبيقات , مسابقات من مطبخ الجزائر

قائمة الأعجاب2 الإعجابات
  • 1 أضيفت بواسطة أم نوح
  • 1 أضيفت بواسطة أم التوام

موضوع مغلق
 
LinkBack أدوات الموضوع انواع عرض الموضوع

قديم 2015-09-19, 16:53   المشاركة رقم: 1 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.80 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


المنتدى : المطبخ الجزائري و جميع الاكلات الشهية - عالم حواء
ورده يومياتي في عيد الاضحى المبارك

يومياتي عيد الاضحى المبارك






لكل منا تقاليد وطقوس خاصة ايام عيد الاضحى المبارك صحيح العادات والتقاليد تتشابه لحد كبير لكن لا بد من وجود اختلافات صغيرة بين مدينة واخرى وحتى بين اسرة واسرة في نفس المدينة
حبيت اكتب لكم كيف يمر عيد الاضحى عندنا يعني تقاليد اهلي لاني حتى عند زوجي اطبق تقاليدي اهلي التي تربيت عليها راح احاول اشرح لكم بالتفصيل من اول ساعة للعيد وابين لكم اهم الطقوس التي اسير عليها قبل ما ابدا اريد ان اذكرانه اضحية العيد سنة للتقرب لله عز وجل لكن للاسف في وقتنا الحالي اصبحت للتباهي والتفاخر واحد يشري كبش نتاع 10 ملاين علاش التبذير ؟؟؟؟
هذا برك باه يقولو فلان شرا كبش ب اكبر سعر
شخصيا زوجي يقدر يشري باغلى سعر
لكن كل عام في عوض ما نشروا واحد ب 8 ملاين
نشروا اثنين نتاع 4 ملاين واحد لينا وواحد لاحدى الارامل الي تعيش في حيينا او نشروا لينا واحد ب 4 ملاين و اثنين كل واحد ب 2 ملاين لارملتين لانه يوجد بزاف ارامل وين نسكن هكا نكونوا دينا اجر احسن من التفاخر وووو وراهي فاضة فاضة نتاع 10ملاين ولا نتاع مليون ما هيش راح تدوم
وحتى اضحيتي نصفها نزيد نكملوها لانه انا ما ناكلش اللحم وزوجي ما عندوش فيه حاجة نخرج تقريبا النص لاحد الفقراء لانه اخوتي لما انت تاكل وتشوي وتتمتع وجارك فقيرعندو 7 اولاد وشهرية نتاعه مليون ونص وما يقدرش يشري كيفاش يعطيك قلبك تاكل واحد نتاع 7 ملاين وجارك ما لقاش حتى باه يشري جدي او ماعز لانه حتى الماعز طلع شانها ولات غالية
فالاضحية هي عبادة تقربنا من الله وليس للتفاخر فالانسان يصدق وياكل شويا والباقي يعرض عليه اهله واحبابه من باب الهدية
اما انك تشري كبش وتاكلوا وحدك خاصة فيه عائلات ملهوفة اللحم يدور عليه العام في الكونجلي حتان يفقد مذاقه وهذا من باب التقشف يقول انا شريت ذبيحة بالغلاء لازم نتقشف ونستحفظ على اللحم والله اخوتي وقفت على ناس لحم عيد الاضحى يبقى للرمضان ؟؟؟؟؟؟؟

اخوتي في عائلتي تعودنا اليوم الاول نقضوه جميعا في الريف عند جدي تصدقون في ليلة وحدة طيب الذبيحة كاملة "نانا "تقول كل شي طيب حتى الراس والكرشة والكبد كل شيئ ........



وبما اننا عائلة كبيرة ما شاء الله يعني عندي اربع جدات ربي يرحمهم الثلاث ويحفظ لنا نانا الي مازالت حية ربي يطول في عمرها في طاعته وكل وحدة جايبة اكثرمن 10 اولاد يعني عددنا كبير بزاف كنتلمو كامل الاولاد والاحفاد ذبيحة جدي طيب كاملة فرد ليلة ويزيدوا اجزاء من عند اعمامي الي يسكنوا ثم لانه ما تكفيش نانا تقول هذه حلاوة العيد نتلمو وناكلوها مرة وحدة علاش التقشف ووووو والي يفضل تبعثوا للجيران حتى لو معيدين كل واحد صحن بربوشة فيه لحمة وانا كانت تبعثني نوصل ليهم كنت نتعجب الناس كامل عندهم اللحم علاشت تعث ليهم لكن من بعد ككبرت فهمت ولحد الساعة مازالت نفس العادة

اما الان شفت انه لما يقسموا الذبيحة تتخبى في الثلاجة ويجبدوا باللحمة وخايفين لا تفرغ؟؟؟؟
اخوتيي انا ما ناكلوش اللحم وزوجي نفس الشيئ مايبغيشوا بزاف لكن ذبيحتي تفض قبل نتاع كل سلافي الي عائلتهم كبيرة وفيه الي عنده كناين واحفاد راح نقول ليكم في الجزء الاخر كيفاش ندير بالتفصيل




يومياتي عيد الاضحى المبارك













يومياتي في عيد الاضحى المبارك

آخر مواضيعي

يومياتي في عيد الاضحى المبارك

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016



التعديل الأخير تم بواسطة أم التوام ; 2015-09-19 الساعة 21:09
عرض البوم صور أم التوام  

قديم 2015-09-19, 17:50   المشاركة رقم: 2 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.80 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


كاتب الموضوع : أم التوام المنتدى : المطبخ الجزائري و جميع الاكلات الشهية - عالم حواء
افتراضي



صبيحة العيد


نوضوا نصلو الفجر زوجي يروح للمسجد وانا في الدار ومن بعد الصلاة نبدا في تنظيم البيت لانه اصى منظمة المطبخ برك وغرفة النوم ريقلهم ونغسل كاش اواني حتى قريب صلاة العيد يتجهز زوجي وانا نلبس ونروحوا نصلو في المسجد ماشي بعيد بزاف على الدار وكنكملوا الصلاة ما نرجعش لداري نروحو لبيت شيخي ماشي بعاد بزاف ربع ساعة بالسيارة او اقل وبالخف نرجعوا للدار نلقوا سلفي وابنائه بدوا في الذبح لاننه نسكن مع بعض يصح كل واحد طابق مستقل
4 ذيائح نتاعيوحدة نتاع سلفي وحدة نتاع اولاده الاثنين المتزوجين

يذبحوا ويسلخوا في القاراج لتحت وانا قبلما نطلع نعدي على بيت سلفي نسلم على زوجته وبناته وكناينه

ونطلع لداري نوجد كلش للغسل ونلبس لباس خاص بما ينتظرني من اعمل شاقة هههه
وقبل زوجي يكون تاني بدل ملابسه

الحمد لله زوجي يعرف يذبح ويسلخ يعني ما نبقاش نستنى الراس نمدوه لبيت خوه زوجي ماياكلوش انا م ناكلش اي شيئ يخص الاضحية واول ما يفتحها يبعثلي ا الكبدة والرئة ووونغسلهم
ونشوي الكبدة نديرها على السريعة في المقلة بصح دون زيت ونبعثليهم لتحت لانه الكل يكون صايم
من بعد انا نقوم بتقطيع الكبدة ونجهزها باه نديرها بولفاف الرئة والقلب ثاني نقطعهم ونسجيهم من بعد نقول ليكم واش ندير بيهم من بعدزوجيالكرشةينظفها تنظيفسطحييعنييفرغ واشفيها برك ويطلعها لي وهنا ابدا بالغسل وووواستمتع كثيرابغسلها هههه خاصة المصران وهذاك بوخباي الي يجي فيه بزاف جيوب نركز عليه ونستمتع بتنظيفه وعلى ذكره حكاتلي نانا انه قبل الطفلة كيخطبوها يديرولها تجربة اذا ما تعرفش تغسل بوخباي معناه ماشي فحلة هههه
ومن بعد كنغسلها لعدة مرات نحطها تترنخ في ماء دافئ فيه ملح وخل
ومنبعد نحطها تغلي لمدة ربع ساعة وكتبرد نقطعها جزء قطع صغيرة تصلح للقليان ولا نطيببيها بكبوكة وجزء نخليه للعصبان لاني في المساءنحشيها ونخيطها ونخبيها


ومن بعد نسيق الكوزينة مليح ونغسل الاواني من الشحم ووو
ويكون زوجي طلع مع الذبيحة يزيدي طلعها فوق في السطح باه تشيح

وفي الوقت الي يروح يدوش فيه انا ندير بولفاف نستعمل الشحمة الرقيقة الي تجي في الدوارة نغلف قطع الكبدة ونحطها في اعواد الشواء وعندي شواية كهربائية مع انه نفضل على الجمر

ما كمل زوجي غيري لقاه جاهز مع حميص وكسرة رخساس وعصير الليمون الي حضرته سابقا يعني طبيعي اما الكبدة ناكلها لكن ماشي بزاف نذوق قطعتين على الاكثر
والرئة وباقي الكبد والقلب نشويهم في المقلة دون زيت ومن بعد نجيب الخلاط نحطهم فيه مع بصل وثوم وفلفل حار وطماطم كعب وتوابل نرحيهم
ونجيب الشحمة ونحشيهاعلى الطول ثل المرقاز ونشويهم في الة الشواء يجو رووووووعة
بصح انا نجهزهم ونخليهم

من بعد نديرالكرشة بطريقة يبغيها زوجي
نجيب مقلة لازم فيها غطاء نحط هاذيك القطع نتاع الكرشة والمصران وكل شيئ مع بعض ونملحم ونخليهم على نارهادئة دون زيت حتى تخرج الماء نتاعها وتنشف هنا حطي الزيت والتوابل الثوم والبصل والفلفل الحار والطماطم كلهم قطع صغيرة واضيفي المعدنوس حتى تحماروكله على نارهادئة والزيت حطي غير شويا لانه فيها الشحم تجي ناشفة وبنينة هذا غداء زوجيوانا نقلي ليا بطاطا هههه
من بعدالترتيب والتنظيف حتى صلاة الظهر من وراها نرقد
وكنوض نخدم العصبان ونخيطها ونجهز روحيونروحوا لبيتشيخي اين نجتمع كلنا وقبل هذاك بولفاف اليبالطريقة الثانية رحي الكبدة والرئة والقلب نجهزوا ونحطوا في ورق المنيوم باه يبقى سخون ونديه لام زوجي وابوه بغوه بزاف ولات عادة كل عيد شيخي يستناني يقول ليهم هذا ماشي بولفاف الي ديروه نستنى نتاع كنتي الشاوية هههه وهو نفس الشيئ فقط انا نرحيهم كامل ونتبلهم مليح والشكل مختلف

نبقوا عند اهل زوجي ماشي مثل عاداتنا نحن الدارلكبيرة ليلة العيد يطيب البربوشة بالمسلان
يشوا وخلاص اول عيد تعجبت ومن بعدمنذ ثاني عيد وليت نرجع لداري نطيب البربوشة على طريقتي والمسلان ونديه ليهم صح انا نديهم لامواب زوجي واخوه العازب لكن الكل يولي ياكل
نحن المسلان ما نقسموشوا نطيبوه كامل فيقدر طكبيرة وانا عندي قدر الضغط حجم كبيرغير لهذا وبما انه الكل موجود هناك وليت نديرالمسلان ومعاه الرقبة باه يكفيهم وعن طيب خاطار مني شيخي يقولي انت صغيرة ما تعرفيش هم يخبوا ذبيحتهم وانت طيبتي تاعك وتجيبيها والله نضحك ونقوليه انا نبغي هكا
حتى ولات حماتي العزيزة ديرالعشاء باه ما نجيبش انا من دراري بصح نفس العادة مازلت عليها نديلهم دوما العشاء من عندي و اخوة زوجي لكبارليلة العيد يقولو له نجو نتعشوا عندك البربوشة الشاوية (من بعد نحط ليكم طريقتي ) تقول ليهم حماتي ادولها اللحم ضركا طيبليكم وتقولي ما طيبيشليهم بصح انا نبغي لانه كلش فاض ما يبقى غيرالكلام
ضركا نحكيلكم على تقسيم الذبيحة بما اني نطيب في الليل لازم نقسموها من ورا العصر
لانها نهاركامل في السطح تشيح بالخف
اول عيدلي مع زوجي قالي نروح نجيب واحد بالدراهم يقسمها (لانه كين الييذبح ويسلخ ويقسم بالدراهم ) حسبتوا يمزح
قلت ليه علاهما تعرفش قالي ما نعرفش وواحد من العائلة ما يعرف غيراخ واحد له ويسكن بعيد
قلت له هذه خدمة النساء لاني تعودت نشوف نانا تقسم ماما تقسم وكل النساءهم الي يقسموا الذبيحة الافي الاعراس بقوم الطباخ بذلك
قلت ليه رؤوح جيب ليا شفرة وارواح غير احكملي برك وانا نقسمها
قالي اكيد تمزحي قلت له روح وتشوف بعينيك
قالي يا بنتي راك تضربي يديك ولا تجرحي روحك الامر ما شي سهل
قلت له راني عمري 13سنة وانا نقسم الذبيحة صح تكون صغيرة جدي او خروف صغيرعلمتني "نانا "ربي يحفظها الاول كان عملي غير متقن لكن بعد صرت نقصها بدقة كل لحمة ما تفوت اختها
يعني نقص على المفصل ما تجيش لحمة فيها زوائد
















آخر مواضيعي

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016



التعديل الأخير تم بواسطة أم التوام ; 2015-09-19 الساعة 21:37
عرض البوم صور أم التوام  

قديم 2015-09-19, 18:27   المشاركة رقم: 3 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.80 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


كاتب الموضوع : أم التوام المنتدى : المطبخ الجزائري و جميع الاكلات الشهية - عالم حواء
افتراضي



التقسيم حسب طريقتي

نجيب ساشي كبير نحط فوقو الذبيحة ونبدا
طبعا بمساعدة زوجي هو الي يحكم ليا الاول نحي الفخذين واليدين الامرسهل نتبع المفصل ونركز ونقص بالسكين وكنوصل للمفصل نستعمل الشفرة ونضرب ضربة وحدة مليحة وما نبقاش نضرب عشوائي نفسد اللهم وتصير زوائد وعظام مكسرة وووو
من بعد نقسم الذبيحة من المنتصف وين جهة الكليتين النص السفلي هو المسلان نخليه كامل لاني نطيبوا كامل ما نقصوش النصف العلوي عبارة عن السن لاصق فيه الرقبة والاضلع نحن نقولو ليها الجنبين
الاضلع تعلمت من عند ماما انه جهة نقصها من المفصل وجهة لا نقصها غيرمن فوق ونخلي جزءلاصق في السن الجهو الاولى نقصها على ثنين كل ضلعتين مع بعض نقصهم على اثنين خاص بالشربة والمرق والجهة الثانية نخليها على طولها للضيوف او الشواء او نطيبها في الفرن
الرقبة نقصها اربع لحمات متوسطات الحجم وكاين الي يقصها على 6 لحمات صغيرة وحسب طول الرقبة السن نقسمه حسب المفصل سهل تحددي بالسكين المفصل وضربة مليحة بالشفرة وتجيك كل اللحمات قد بعض من بعد نروح للفخذين واحد نخليه كامل نمدوه
والاخرنقصوا هو فيه زاوية لما تركز على نقطة البداية فيها تبع بالسكين تلقى روحك فصلتي بين الهبرة والعظم دون ما تفسدها والعظم نحيله الجزء السفلي الزائد خلاص

انا الهبرة مخصصة غير للشواء وبنفس الطريقة اليدين نقصهم وهذيك الزوائد تلقاها في الجنبين نديرهم قديد كيشيح نطيب بيه عيش او بركوكش ونبعثو لاب زوجيي يبغيه بزاف لانه زوجي وانا ما ناكلوهش
من بعد نغسل اللحم المقطع ونخليه يستقطر ونروح نرد العشاء
وكيستقطر ويشيح مليح نجيب ساشيات مثل نتاع السكر فقط اكبر حجم و ماركور لونه اسود للكتابة نحط كل مجموعة في ساشي ونكتب سن او رقبة او فخذ ....الخ باه كنحوس نطيب نعرف واش نطيب وهكا كملنا التقسيم صح فيه تعب ويديا يوجعوني بصح احسن ما نستنى الجزار يجي يقسلي بالزربة ويروح


البربوشة كيفاش نديرها ؟انفورالكسكسي عادي ندير 3 كلغ
من بعد نروح للمرق نديروا خلاف البربوشة العادية
شوفو طريقتي تعلمتها من عند نانا خاصة بالاعياد لانها في العيد هي الي طيبها

وحتى يسهل الامر نديروا في كوكوط "قدر الضغط "عنديوحدة كبيرة شريتها على جالت العيد


نحط زيت نكثر البصل والثوم المرابي ملح فلف اسود اهم شيئ
توابل مختلفة طماطم مصبرة كمية كبيرة لاني نديره المرق احمر
حمص منقوع ونجيب المسلان ولحم الرقبة اليسابقا خليتهم يترنخوا في التوابل والملح يعني تبلتهم بعد ما درت ثقوبات بالسكين فيهم حتى تدخل التوابل وزعتر ....الخ

نحطهم ونخليهم يتقلوا على نارهادئة حتى يذبل البصلوالثوم لمدة نصف ساعة تقريبا ومن بعد نمرق بماء ساخن لازم يغطي اللحم ونغلق عليه ونخليه لمدة نصف ساعة نفتح نلقاه نشف شويا واللحم تقريبا طاب يحتاج نص ساعة اخرى هنا نحط كل انواع الخضار بطاطا جريوات جزرفلفل حار كلش نقسموا على نص حتى يطيب نحي اللحم وحدوا ونصفي الخضار والحمص ويبقى المرق وحده نجيب جفنة نتاع اللوح او قصعة نتاع حطب نحط فيها الكسكسي ونحط فوقه المسلان واللحم ونزين بالحمص والخضار وبيض مسلوق ونحط دهان البقرة في الوسط يجي ماشاء الله
ونديه ليهم مياشرة ياه يكون سخون هناك حماتي تقسم
جزء للنساء وجزء للرجال والحمد لله الكل يعجبهم

هذا ليلة العيد

من الغد من عاداتنا نديرشخشوخة "مفرمسة" نتاع الملاوي او نقولو كسرة مطبقة
الصباح من بعد صلاة الفجر نبلها ونخليها تترنخ مليح لاني ندير كمية كبيرة

من بعد نعجنها ونطريها ونخليها ترتاح ونجيب طاجين لحديد نطيبها كاين الي يديرها وحدة فوق وحدة بصح انا نديرها مربعات وخلاص مثل المسمن
هذه الشخشوخة تبغي البصل بزفب خلاف الي نرابيه للمرق نختاربصل حجم صغيرنحطهم يطيبوا دون قص بالاضافة للحمص وخضار متنوعة وطبعا اللحم

من بعدنفتفتها بيديا نكره نتاع المقص
المهم تقريب ساعة وانا نديرهامن بعد نفورها ونسقيها ونزينها
هنا نبعث3 اصحن واحد لزوجة سلفي واثنين لكناينها
ومن بعد كنروح لبيت شيخي لانهم يعيطولي للغداء هم يديروا بربوشة مرق ابيض ثاني عيد

الباقي نحي عشانا ونديه ليهم شيخي يبغي طيابي تلقاه يستنى فيا لخاطريعرفني ندخل وفي ايدي حاجة وملاحظة كل الكنات ولا وحدة تجيب ليهم حتى لحمة يجوا ياكلوا عندهم ويروحوا انا الوحيدة الي ندي ليهم بعدايام يعرضوهم
المهم كل واحد وطبعه انا تعودت هكا نشوف ماما تبعث للجيران ونسا اعمامي الي يسكنوا بجانبنا وكل ما تروح لبيت جدي طيب ليهم حاجة
ماما تقول لينا لو تديه لحم نيئ ما تجيش الناس كامل عندهم لكن لما طيبيه وتديه احسن

ومن الغد يعني ثالث عيد نديرالعصبان انا نديرها مرق وكاين الي يديروها مع العجائن صراحة ما تعجبنيش مرق مع الحمص احسن

في العشاء نديرشواء على طريقتي او الاضلع في الفرن


















آخر مواضيعي

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016



التعديل الأخير تم بواسطة أم التوام ; 2015-09-19 الساعة 21:16
عرض البوم صور أم التوام  

قديم 2015-09-19, 20:16   المشاركة رقم: 4 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.80 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


كاتب الموضوع : أم التوام المنتدى : المطبخ الجزائري و جميع الاكلات الشهية - عالم حواء
افتراضي



ومن بعد نروح لدارنا ما نطولش يومين على الاكثر وكنروح هنا نعرض
الصراحة نعرض غيرالرجال يعني اخوة زوجي واولادهم المتزوجين والكبار النساء ما نعرضهمش ليس بخل مني مثلا الي تحتي كل ما نطيب نبعث ليها ...

الي تجي وحدها نكرمها ونحطها فوق راسي اما اني نعرضهم انا لا والف لا هههه
لعدة اسباب وقلتها ليهم في الوجه لا تنتظروني لي تبغي تجي تجيني وحدها يعني ماشي غريبة عليكم حتى نرسل ليكم دعوات على فكرة كلهم تقريبا في سن ماما فما اكبر يعني انا قد احفادهم وقد بناتهم المفروض هم الكبيرات يديروا لمة وهما الي يطيبوا عند حماتي تصوروا يجوا باولادهم وكناينهم ويبغوا حماتي تخدم عليهم ولحمهم مخبي الصراحة ما تعجبنيش هذه العقلية وانا كنطيب ندي ليهم لوجه الله اولا ثم من اجل والدي زوجي الي اعتبرهم امي وابي ولا مرة شفتهم طيبوا وجابوا ليهم يبغوا الساجي بحجة طيابك مليح ومختلف على طيابنا يظنوا اني صغيرة في العمروصغيرة في العقل ايضا لايدرون انه المجاملات والكلمات الحلوة لن تخدعني ابدا وسكوتي هو احترام لفارق السن بيننا وليس لاني مغفلة
لكن حماتي الغالية كانت ترد وتقول ليهم جيبوا لحمكم ضركا طيب ليكم حنين طيابها
اخوتي ليس ذم فيهم لكن اكره حب الاسغلال خاصة في الطعام يعني على الاقل في حاجة اخرى وكيشافوني كل ليلة عيد ندخل بالجفنة ولو كل عيد يستنوا العشاء ديروا الشاوية من دارها لانه عندي هدف انه انال الاجر وكنشوف شيخي الكبير في السن ياكل ويفرح ويقولي طيابك مختلف وما يضرنيش في المعدة نفرح بزاف وكنشوف حماتي تبوسني وتقولي ما تفرحيني غيرانت
عندي الدنيا وما فيها يكفيني دعوات الخيراللحم راح يفض وكلش يفض ويبقى غيرالكلام كنت قادرة ندي غيركمية قيس شيخي وعجوزتي وسلفي الصغيرلكن
انا لا نشوف لبعيد ونشوف لاخوة زوجي اكيد راح يسمعوا بلي جبت عشاء لابوهم وامهم راح يقولو ها الشاوية بخيلة او مرت خونا ماشي مليحة
وتعجبني حماتي الي هي صديقتي اكثرمن ما هي حماتي لما تقسم المسلان للرجال وتخلي غيرشويا لحم تقول ليهم تبغوا البربوشة الشاوية اكلوها واللحم كاين في داركم هههه كتروحوا اكلو
لهذه الاسباب ما نعرضهمش لانه يبغوا الاستغلال
وللامانة زوجي ابدا لا يتدخل في هاته الاموربالعكس يقول ليا علاه تعبي في روحك يما وبابا وخويا نجيبهم عندي ويتعشوا وخلاص
بصح انا نقول ليهم هاذيك الدار لكبيرة ونتلموا فيها كامل
وفعلا كل شيئ يفوت صح لحمي يفض في اسبوع وهم يبقى لعاشوراء هههه واكثر
بصح كسبت قلوب بتصرفي البسيط حماتي في حضوري وغيابي تقول ليهم بنتي وما درتش ليا هكا يعني نرسل ليها يومي واش نطيب وهي لحمها ياكلوه لكناين يعني يطيبوا واش يحبوا وياكلوه وكيفض كل وحدة تحكم دارها
شيخي الي يلقاه يقول ليه كنتي الشاوية خياركنايني لانه معاملتي لهما تقوم على الاحترام قبل كل شيئ وثاني انشوف بلي بنتهم ماشي كنتهم وزيد الي نخدموا نلقاه عند ربي
لذلك نصيحتي لكل كنة حماتك مهما تكون شريرة ولا طيبة شوفي فيها صورة امك وشيخك نفس الشيئ صورة ابوك
انا الحمد لله حماتي ملاك لم ارى في حياتي انسانة بطيبتها وحسن تعاملها مع الجميع ولو كانت شريرة والله اعاملها بنفس الطريقة على الاقل نكسب اجر ومهما تقول وديرما نديش عليها

*****
نرجع للموضوع لاني خرجت ......

هنا نجمعهم كامل طبعا نموت بالتعب لاني وحدي نبدا من الصباح ما نكثرش الاطباق طبق رئيسي بربوشة او شخشوخة المهم عجائن مع شربة فريك لازم مع مقبلات مختلفة فطائر ومشاوي ووو ومرات يعرض زوجي صاحبوا تقريبا اللحم فض هههه ولا نقول فض يعني في اسبوع خلاص


وانا طيلة الوقت نتعب وما ناكلش حماتي الغالية طيب ليا الدجاج وتبعثلي المشكل حتى الدجاج نكرهوا
وخلاص كملت يومياتي الطويلة والعريضة ههه
وكلش يفوت التعب يتنسى واللحم يتنسى يبقى غيرفعل الانسان ونيته هلقام بشعائر الاضحية على اتم وجه ام لاكان هدفه المفاخرة والاكل وفقط ؟



اما هذا العيد باذن الله مختلف لا استطيع عمل اي شيئ عندي اكثر من شهرين عطلة بامرالطبيبة خوف على توامي المشاغب "ربي يجو على خير"
اذا قعدت في بلاصة محال نوقف وحدي لازم مساعدة
لكن حماتي الطيبة قالت لي ارواحي عيدي عندي وحفيداتها يقوموا بكل الشيئ والتقسبم الجزارفقلت لها ايه مع اني لا احب ان يخدمني اي احد لكن مظطرة
ايه وقبل ما انهيالموضوع نسيت ما تكلمتش ليكم على" بوفجوخ او بورجوخ "
هذا عندنا الشاوية نديروه خاص للعيد نهرسوا قلقل حارمع الثوم وزيت ونرقدو هول ازم في المهراس امس خدمت شويا وتعبت ما كملتش راح نحط الطريقة في قسم الطبخ ان شاء الله

اخيرااتمنى تعجبكم اليوميات مازال الكثيروالكثير كنت راح احك عن عادات اهلي لكن تعبااااااااااااااااااانة

















آخر مواضيعي

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016


عرض البوم صور أم التوام  

قديم 2016-02-22, 14:14   المشاركة رقم: 5 (permalink)
المعلومات
الكاتب:

البيانات
التسجيل: Apr 2015
العضوية: 110
الجنس :
أنثــــى
الدوله :
الجزائر
الحالة الاجتماعية :
متزوجة
المشاركات: 389 [+]
بمعدل : 0.40 يوميا
عدد المواضيع : 55
عــدد الــردود : 334
اخر زياره : [+]
معدل التقييم: 44
نقاط التقييم: 439
تلقى إعجابات : 444
أرسل إعجابات : 272
الحالة:
أم نوح غير متواجد حالياً
أم نوح is just really niceأم نوح is just really niceأم نوح is just really niceأم نوح is just really niceأم نوح is just really nice
 


كاتب الموضوع : أم التوام المنتدى : المطبخ الجزائري و جميع الاكلات الشهية - عالم حواء
افتراضي

دايما تخليني معلقة وتروحي صدقيني ياحنين مانزيد نقرالك حاجة حتى تقوليلي خلاص كملتها.











أم التوام أعجبه هذا.
آخر مواضيعي

أختنا أم التوام رزقت بتوأم.


فوائد القسط الهندي


الأغراض التي تحتاجها الحامل عند الولادة.. لها ولطفلها


أطقم ذهب شيك للعروس


مدينة الألف قبة وقبة تاريخ وحضارة


عرض البوم صور أم نوح  

قديم 2016-02-22, 15:42   المشاركة رقم: 6 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.80 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


كاتب الموضوع : أم التوام المنتدى : المطبخ الجزائري و جميع الاكلات الشهية - عالم حواء
افتراضي

ههههه ام نوح والله شيئ اكبر مني في لحظة تجيني الفكرة نكتبها مباشرة بالمنتدى ومن بعد يفتر حماسي هههههه بصح ضرك كملت وبرنامجي راح نكتبو في موضوع جديد هههه











أم نوح أعجبه هذا.
آخر مواضيعي

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016


عرض البوم صور أم التوام  
موضوع مغلق

مواقع النشر (المفضلة)

الكلمات الدلالية (Tags)

المبارك, الاضحى, يومياتي

المواضيع المتشابهه
الموضوع كاتب الموضوع المنتدى مشاركات آخر مشاركة
حلويات عيد الاضحى: حلوة سهلة بعجين الثمر أم التوام قسم الحلويات 2 2016-08-19 02:40
يومياتي مع حيواناتي الصغيرة أم التوام الاحداث اليومية 3 2015-10-19 23:55
شهيوات عيد الاضحى : مصارن معمرين أم التوام قسم الأطباق الرئيسية 2 2015-09-15 16:40
تهانينا الخالصة بمناسبة عيد الفطر المبارك 2015 محمد إسلام منتدى الترحيب، التعارف و التهاني 3 2015-07-22 12:08


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : متاحة
المصادر : متاحة


 

الساعة الآن 13:02 بتوقيت الجزائر
المنتدى غير مسؤول عن أي اتفاق تجاري أو تعاوني بين الأعضاء, فعلى كل شخص تحمل مسئولية نفسه.
التعليقات المنشورة لا تعبر عن رأي منتديات الوادي انفو ولا نتحمل أي مسؤولية حيال ذلك (ويتحمل كاتبها مسؤولية النشر).


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO TranZ By Almuhajir, منتدى الوادي , منتدى وادي , منتدى الجزائر