قسم المعجنات والمخبوزات وصفات خبز و معجنات بطعم منزلي مميز، سهلة التحضير من الجزائر

موضوع مغلق
 
LinkBack أدوات الموضوع انواع عرض الموضوع

قديم 2015-08-29, 15:56   المشاركة رقم: 1 (permalink)
المعلومات
الكاتب:

البيانات
التسجيل: Apr 2015
العضوية: 263
الجنس :
ذكــــــر
الدوله :
قطر
الحالة الاجتماعية :
آعــــزبـــَ
المشاركات: 773 [+]
بمعدل : 0.81 يوميا
عدد المواضيع : 803
عــدد الــردود : -30
اخر زياره : [+]
معدل التقييم: 0
نقاط التقييم: 0
تلقى إعجابات : 109
أرسل إعجابات : 2
الحالة:
Ć.ŖŎήaĻđo غير متواجد حالياً
Ć.ŖŎήaĻđo is an unknown quantity at this point
 


المنتدى : قسم المعجنات والمخبوزات
افتراضي البيتزا من مطبخي

صباح الخير عليكم

البيتزا مطبخي




هذه العجينة معتمدتها منذ تقريبا سنة راهي فعلا خفيفة جدا وطرية جدا جدا وأهم حاجة ماتنشفش كيما العجينة العادية وكل من ذاقها سألني عن الوصفة وحتى أخواتي لما اعتمدت الوصفة لاحظو الفرق خاصة كي تبقى وتسخنوها في الميكرووند ماتنشفش كيما العجينة العادية.



جربوها أكيد رايحين تعتمدوها ، سر طراوة العجينة راهو في المكونات وطريقة التخمير.


* المقادير لقرصة واحدة :
- كاس كبير فرينة مغربلة( كاس نتاع ربع لتر ناقص منو اصبع ) = حوالي 120غ واللي يحبها رقيقة بزاف يدير 100غ أنا ندير 120 كي نحب نحشي الأطراف بالجبن ونلفها لكن إذا مانيش رايحة نلف الأطراف ندير 100غ فقط جي رقيقة هكذا نحبها.
- 1.5 م ص خميرة خبز
- ربع ملعقة صغيرة خميرة كيميائية
- 1 علب ياوورت طبيعي ( ممكن نعوضو بحليب رايب )
- ½ ملعقة صغيرة ملح ( انا نغربل الملح في هذي الوصفة )
- 1 م ك زيت زيتون ( من الأحسن زيت زيتون ومايبانش طعمو وريحتو ماتخافوش لكن مهم جدا في عجينة البيتزا )
- 1 م ك سكر


* الطريقة :
1- في إناء عميق نحط نصف كمية الفرينة + السكر+ الخميرة الكيميائية + خميرة الخبز ونخلط ثم نضيف فقط الياوورت ونخلط بالمضرب اليدوي ونغطي الصحن مليح ونخليها في مكان دافئ تخمر حوالي 30-40د .

البيتزا مطبخي



البيتزا مطبخي


مرات نضيف للعجينة شوية زعيترة او نعناع مجفف مرحي للريحة فقط



البيتزا مطبخي



2- كي تخمر نضيف باقي الفرينة والملح (الملح نكون غربلتو من قبل ) نلم العجينة ونعجنها مليح لمدة 5د ونشوف إذا محتاجة نزيدلها شوية ماء أو حليب دافئ هي عموما جي قدقد مانحتاجش نزيد ماء.
لازم العجينة تكون جارية شوية باش جي خفيفة وماتخافوش منها لأنو رايحة نحلها بالفرينة ماتلصقش.

البيتزا مطبخي

3- كي نعجنها مليح وترجع ملساء ، نضيفلها الزيت ونعجنها غير شوية حق مايدخل فيها الزيت ونحطها في إناء مرشوش بالفرينة ونغطيها بكيس نايلون باش ماتنشفش ونخليها تريح لحين الاستعمال .

البيتزا مطبخي



البيتزا مطبخي





صلصة البيتزا على طريقة المحترفين





هذه الطريقة شفتها في قناة فتافيت في حصة مدرسة طبخ "مارثا ستيوارت" جربتها وفعلا عطاتني أحسن نتيجة في الطعم والقوام فعلا تتحصلو على صلصة طماطم مثالية بطريقة محترفة.
هذه المقادير ل1كغ من الطماطم ننصحكم تعملو كمية معتبرة وتحتفظو بيها في الثلاجة أو المجمد إذا كانت عائلتكم من محبي البيتزا والمعجنات.
* 1 كغ طماطم
* حبة بصل
* 5 فصوص ثوم
* 5 أوراق رند
* 4 ملاعق كبيرة زيت للتقلية
* التوابل: ملح ، فلفل أسود ، زعيترة ، 1 مكعب مرق دجاج ، شوية هريسة ، رشة سكر، ثوم بودرة.

التحضير:
1- نقطع الطماطم والبصل والثوم شرائح ونحطهم في كاسرول مع الزيت وباقي المكونات كلها ونخليهم على نار هادئة يطيبو في غرضهم ومرة على مرة نحركها بملعقة خشبية ( سر بنة صوص الطماطم الحقيقية أنك تخليها طيب على مهل ).
2- كي تشوفيها طابت نحي أوراق الرند وميكسي الخليط إما بالبرا ميكسور أو في الروبو ونعاودها في رحاية اليد باش تحكملي القشور والبذور وتبقى عندي صوص نظيفة وناعمة .
3- نرجع الصوص للنار ونخليها على نار خفيفة جدا حتى تثقال . نذوقها غذا محتاجة ملح او سكر أو توابل، لازم تكون شوي ناقصة ملح باش ماجيش البيتزا مالحة .
رايحة نتحصل على صوص ناعمة مخملية رائعة نخليها تبرد ونستعملها .
* ملاحظة: الصوص ماتكونش جارية وماتكونش ناشفة خلاص من الماء ، تكون متوسطة الثقل.
ماتقولوليش علاه مانرحيهاش من الأول أنا كنت نرحيها وفعلا بالطريقة هذي الطعم مختلف تماما.

البيتزا مطبخي



البيتزا مطبخي



البيتزا مطبخي






طريقة عمل بيتزا الشاورما


أنا معتمدة طريقة الأخت نينافرات " وصفة شاورما اكسبرس " ، فعلا الوصفة أكثر من رائعة ساهلة وسريعة وتعطيني طعم شاورما لذيذ أحسن وأنظف من اللي تتباع ، نقلتهالكم من دفتر وصفاتي.
* نقلي شرائح نتاع اسكالوب في شوية زيت مانكثرش ونحمرهم على الجهتين ) الكمية على حساب عدد القرصات نتاع البيتزا وكل واحد وإمكانياتو ). نخلي الاسكالوب يبرد شوية قبل مانفتتو باش مايطلقش الماء نتاعو .

* نوجد صوص الشاورما:
أرحي في الروبور نصف حبة صغيرة بصل مع زوج سنات ثوم زيديلهم ملعقة كبيرة خل ونصف ملعقة صغيرة من الفلفل الأسود والكسبر المرحي والكمون وبودرة ثوم ومعاهم الملح وملعقة من الهريسة وزوج ملاعق ماء وملعقة من الموطارد خلطي الكل وصبيه فوق الاسكالوب المفتت فوق النار.
خليهم على نار متوسطة زوج دقائق مع التحريك حتى تدخل المكونات مليح فيه وطفي النار وزيدي زوج ملاعق كبيرة ماء وزيدي خلطي والشاورما واجدة.

* الآن تحضير بيتزا الشاورما:
- نشعل الفرن يسخن على أعلى درجة حرارة .
- ندهن صينية البيتزا بشوية زبدة ( طبقة خفيفة جدا ) ، صينية البيتزا راهي ضرورية باش تعطينا بيتزا كيما اللي تتباع في القوام والطعم.
- نرش مكان العمل بالفرينة و نطرح العجينة بالرولو على شكل دائري على حساب حجم الصينية.
- نحط العجينة في الصينية وندهنها بصلصة الطماطم ( لازم نحط الكمية المناسبة لأنو لو تكون قليلة رايحة جي البيتزا ناشفة ولو كان نكثر بزاف العجينة ماطيبش مليح ).

البيتزا مطبخي



البيتزا مطبخي
البيتزا مطبخي
البيتزا مطبخي





- التزيين : نوزع بالتساوي : شرائح فلفل أخضر ( ضروري راهو يبنن البيتزا روعة ) + معدنوس مقطع + زيتون مقطع ( مانكثرش باش ماجيش البيتزا مالحة )+ قطع الشاورما +قطع جبن ( انا استعملت جبن كامومبير وجبن أبيض وفي الفراغات حطيت كميات صغيرة نتاع كرام فراش بواسطة ملعقة صغيرة ( نحب دائما نحط الكرام فراش في البيتزا لأنها ماتخليش البيتزا جي ناشفة وتساعد على تمييع الأجبان ).
- نبشر جبن شيدار أو قرييار أو جبن أحمر حسب الرغبة وندخلها للفرن في الرف الوسطاني على 180° حتى تحمار من تحت ومانشعلش من فوق لأنو الجبن المبشور يتحرق بسرعة ومايبقاش مائع .

البيتزا مطبخي
البيتزا مطبخي
البيتزا مطبخي


- نقطعها وهي سخونة وتقدم مباشرة بالصحة والهناء.

البيتزا مطبخي
البيتزا مطبخي
البيتزا مطبخي








بيتزات مختلفة مقترحة




هذي البيتزا اللي معتمدتها لأسرتي ( بيتزا اللحم المفروم والمرقاز – ممكن تستغناو على المرقاز لكنها المفضلة لدى أسرتي أنا - ).
نفس العجينة والصوص والطريقة المذكورة فقط الاختلاف في التزيين لا غير، الصور واضحة كفاية.
في البيتزات اللي في الأسفل لفيت جبن على الأطراف
البيتزا مطبخي
البيتزا مطبخي
البيتزا مطبخي




بيتزا بالطون والأجبان وزدت رابيت شوية شيدار :
البيتزا مطبخي
البيتزا مطبخي





بيتزا باللحم المفروم والموزاريلا رشيتها بشوية زيت زيتون وزدت رابيت شوية شيدار من فوق

البيتزا مطبخي
البيتزا مطبخي



بيتزا بالاسكالوب المشوي ( متبل بملح وفلفل اسود وثوم بودرة ) والفطر الطازج محمر في شوية زبدة والموزاريلا
[IMG]/vb/images/statusicon/wol_error.gif[/IMG]إضغط هنا لرؤية الصورة بحجمها الطبيعي.البيتزا مطبخي
البيتزا مطبخي



البيتزا مطبخي


بيتزا بكرات اللحم المفروم والاجبان :
البيتزا مطبخي



البيتزا مطبخي









بيتزا بالمرقاز وجبنة الروكفور روعة ايضا لكن لازم نوزع قطع صغيرة جدا من الروكفور لانه مالح وحامض ونكهته قوية جدا انا خلطت معاه كامومبير وشيدار :



البيتزا مطبخي



البيتزا مطبخي

البيتزا مطبخي



* ملاحظة: لما نلف جبن على الحواف مانحطش الجبن المبشور باش مايتحرقش حتان طيب البيتزا من تحت نخرجها ونبشر عليها جبن ونهبطها للرف السفلي ونشعللها من فوق تتحمر ونعسها لانو تتحمر بسرعة.















البيتزا من مطبخي

آخر مواضيعي

البيتزا من مطبخي

قنوات iptv على Samsung سمارت تي في


افضل برنامج تشغيل لكرت USB easycap +تعريف+سيريال+البرنامج


تحديث معـدل لـ Géant 2500HDNEW النسخة V1.46


سحب كشف نقاط شهادة التعليم المتوسط 2015


التحويلات الجديدة gn-2500 hd plus


عرض البوم صور Ć.ŖŎήaĻđo  
موضوع مغلق

مواقع النشر (المفضلة)

الكلمات الدلالية (Tags)

مطبخي, البيتزا

المواضيع المتشابهه
الموضوع كاتب الموضوع المنتدى مشاركات آخر مشاركة
دوائر البيتزا أم التوام قسم المعجنات والمخبوزات 0 2015-08-08 17:45
بالصور طريقة صنع البيتزا الاطالية والجزائرية رووعة استاذ علي قسم الأطباق الرئيسية 1 2015-06-15 18:54
البيتزا بالتونه أم التوام المطبخ الجزائري و جميع الاكلات الشهية - عالم حواء 1 2015-05-25 23:05
شخشوخة من مطبخي أم التوام قسم الأطباق المجربة و الحصرية (تطبيقات العضوات و الأعضاء) 6 2015-05-18 16:47
سندويتش البيتزا أم التوام المطبخ الجزائري و جميع الاكلات الشهية - عالم حواء 7 2015-05-09 15:39


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : متاحة
المصادر : متاحة


 

الساعة الآن 16:19 بتوقيت الجزائر
المنتدى غير مسؤول عن أي اتفاق تجاري أو تعاوني بين الأعضاء, فعلى كل شخص تحمل مسئولية نفسه.
التعليقات المنشورة لا تعبر عن رأي منتديات الوادي انفو ولا نتحمل أي مسؤولية حيال ذلك (ويتحمل كاتبها مسؤولية النشر).


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO TranZ By Almuhajir, منتدى الوادي , منتدى وادي , منتدى الجزائر