الاحداث اليومية ( حوادث شخصية , تجارب , يوميات ... )

قائمة الأعجاب4 الإعجابات
  • 2 أضيفت بواسطة أم التوام
  • 1 أضيفت بواسطة أم لينة
  • 1 أضيفت بواسطة أم التوام

إضافة رد
 
LinkBack أدوات الموضوع انواع عرض الموضوع

قديم 2015-07-02, 01:30   المشاركة رقم: 1 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.83 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


المنتدى : الاحداث اليومية
ورده كذب ... حسد ... نشر الاشاعة ... شجار وسط المرضى ....



راني رجعت لقسم الاحداث ومعي ظاهرتين غريبتين بنظري


وكل ظاهرة خلتني اتالم الم مختلف عن الاول الم كيف الناس تعيش وتتبع عورات غيرها وتنشر عليهم اشاعات وتحسدهم على امور الدنيا والمشكل كلها كذب في كذب
واتالم لما اشوف مستشفى المفروض يكون لراحة المرضى والسهر على رعايتهم يتحول لحلبة مصارعة مع كلام بذئ يسم البدن



اليوم لازم نروح حتى يعملوا لي السيروم مع الابرالي عندي موالفة نروح في الليل لكن كاين غاشي
بزاف وزيد حسيت روحي تعبانة والضغط راح ينزل


رحنا على التاسعة صباحا ولانه بابا مشغول قال لعمي الصغير يديني فيقتوا وقلت له نروحو بكري احسن

ويا لتني ما رحتش بكري هههه


الظاهرة الاولى الاشاعة والحسد والكذب



دخلت عمي قالي مادام الطبيبة مازالت مطولة نروح عندي شغل وكتكملي عيطيلي


قعدت في قاعة الانتظار نتاع النساء لقيت السلام بلا ما نهز راسي ونشوف حتى في وحدة لانيما نبغيش نسلم ويبقوا يسقسوني ووووو

حتان نسمع وحدة تهدر مع اخرى وكانوا قراب ليا واصواتهم عالية


الاولى عرفتها من صوتها لانه اختها قرات معايا والثانية حسيت نعرفها لكن نسيت شكون هي

الاولى قالت ليها شوفي هاذيك ...... تقصدني

قالت ليها الاخرى لا خاطية راهي في الخليج


قالت ليها قلت لك راهي ام التوام اصبري تهز راسها ونقلك هي ولا لا وهي ربما عرفتني كشفتني مع عمي


قالت لها قلت لك ام التوام المزهارة تحوس في الخليج شكون كيفها

جاتني صدمة يعني حاسديني على شيئ هو في الاصل غير موجود


وكملت حنين مام التوام يوم الباك تزوجت خليجي ومن هذاك اليوم تجي غير في العامين مرة


وراهي في العز والدلال واكيد زوجها رجل اعمال ووووو


قالت ليها الاخرى وين عرفاتو الخليجي واش مجيبو لخنشلة


اجابت بسرعة وبكذب


ولاد خوالها نتاع باتنة يخدموا في الخليج (وانا ولاد خوالي مساكن يطلبوا في العلم الشرعي واحد بعثة من الجامعة الاسلامية والاخر راح مع خوه خاص وخالي الي يبعث له مصروفه )

هي حطتهم رجال اعمال ثما

كملت اكيد صاحب واحد منهم وياك خواتهم كامل متزوجين فجابوه لبنت عمتهم يقصدوني انا

هنا بدا دمي في الغليان لكن قلت نصبر ومن بعد نوريلها الكذب نتاعها


وكملت وووو وو كله اكاذيب عني والمشكل تحسد فيا وما تقولش حتى ربي يبارك

على حوايج نصها كذب والطفلة هذه نعرف اختها وتبانلي ناس ملاح ويجونا في المناسبات

وكملت تحك انه الجامعة نتاعي قريتها في الخليج وووو ولخرى منبهرة ونسمع غيرفي كلمة ناس عندهم الزهر ماشي كحالتنا

هنا طلعت خماري وتلفت ليهم ونشوف في هاذيك الي تحكي ب الكذب وجهها صار الوان

وكنت ابتسم لها ابتسامة تكفي عن الف كلمة وكلمة

وكشفتها تصدمت

تكلمت وقلت ليها معليش نسقسيك

ام التوام زوجها من وين بلاصة في الخليج

هل هو امير قطراو شيخ دبي ولا حفيد الوليد بن طلال


جات تتكلم ما خليتش لها فرصة

قلت لطفلة لخرى

الي كانت تحكيلك عليها

انا هي وعمري ما خرجت من الجزائر

وزوجي جزائري اب عن جد

ولا رجل اعمال ولا مليونير انسان عادي رايح يخدم على روحه ويحقق في طموحاته مع بعض

وولاد خالي رايحين يقروا على رواحهم ماشي يبزنسوا في الزواج


والزهر يا اختي ماكانش منه كاين القدر والمكاتيب
واذا بغيتي يتحقق لك شيئ اخلصي الدعاء لله

وما تصدقيش اي كلام يقولوه لك


وحبطت خماري وطلعت لانه ضغطي نحسه طلع







هذه الظاهرة الاولى تدل على ناس ما يخافوش ربي وينشروا اشاعات كاذبة ويحسدو غيرهم

يعرفوا شيئ ويزيدوا عليه بزااااااف اكاذيب



*****

الظاهرة الثانية

وانا نستنى في عمي في الرواق كنت قاعدة قدام باب الطبيبة وكانت بجانبي عجوز كبيرة سلمت عليها وظهرت تعرف نانا سقستني عليها وبقات تسقسي ووووو

حتى نسمع في الحس والصراخ وكلام بذئ مع هزيت راسي شفت منظر صدمني شاب راسو احمر بالدم

ومعاه جماعة والسب والصراخ ويتهدد ويقول سيبوني خلي نقتلوا

وهم يقولوا خيط الجرح ومن بعد نتفاهموا المهم انا جمدت في مكاني وندمت اني خرجت هههه

لانه وهما في الرواق لحقوا عليهم جماعة اخرى والمشكل هازين العصي واشياء ما عرفتهاش ومعاهم واحد اخر ذراعه فيه الدم وثارت العركة قدامي ههههه

وانا وهاذيك لعجوز في حصار الرواق ضيق وهم مالينه وزيد خرجوا الكل ممرضين واطباء حتى بعض المرضى

ولكم تخيل المشهد هههه

انا خفت كون نوقف نولي في وسطهم هههه

والحمد لله قداه واحد يدزوه قريب يطيح عليا وفي اخر لحظة يحكم توازنه والدم نتاع الي مضروب في راسه كل ما يتحرك الدم نتاعه يجي فيا وفي لعجوزة

وهو مع خوفي ماشي منهم لانه لو يقيسني واحد ولو غلط نوريلوا خفت على البيبات جاتني الضحكة هههه

لعجوزة مسكينة تقول ليهم يا ولادي على وجه ربي بعدوا راني مدايرة عملية على المرارة ونخاف يتحل الجرح

هههه واحد صغيراكثر من معاذ خويا بشويا جاها وقال ليها ارواحي نخرجك ههههه

جت توقف عفس عليها واحد ملي دايرين حرب على رجليها ههههه

مسكينة غاضتني وحكمت الضحكة بسيف

وبغيت نعيط على عمي ما لقيتش كيفاش نعيط

حتان ربي فرج عمي جا على النية لقى حرب في الرواق

انا شفته عيط عليه مسكين غير جا يجري ويدز فيهم حتى وصلي ووخرجنا المشكل وين روحنا لانه ما كانش وين تعدي
لقيت روحي انا ولعجوزة في المكان الي يرقدوا فيه الرجال لانه قسم للنساء واخر للرجال




متت بالحشمة وعمي طلب منهم السماح قال ليهم ماكانش وين نعدوا

وبقينا واقفين لعجوزة عادي لقيت سرير فارغ رقدت فيه ههههه

وانا مازلت مانيش مصدقة هل انا في مستشفى او حلبة مصارعة

واستنيت حتى جاو الشرطة وداوهم كامل وحتى قدام الشرطة يتحلفوا في بعض والتهديد بالقتل
والكلام البذئ والسب ووو

كملت قرعة السيروم وكروحت من الباب قلت لماما والله ماعاد نروح لحتى سبيطار لوكان نعرف روحي نموت لانه كاين عيادة بصح بعيدة بزاف ساعة مشي بالسيارة لكن عيادة خاصة ماشي مثل السبيطار كل من هب ودب يدخل له لكن بابا ديما مشغول وعمي هذا يعني حشمة داني لانه مايحبش يركب معاه النساءهههه


فما رايكم اخوتي

الشجارالي حصل بالمستشفى
والسب والشتم وعدم احترام المرضى
والتهديد بالقتل داخل مستشفى

اليس السبب الاهمال لو كان موجود حارس امام باب المستشفى كان يمنعهم من الدخول

صح المجروح يدخل لكن الي معاه ومحملين بالعصي لماه داخلين ؟














مختار22 و أم لينة معجبون بهذه.

كذب ... حسد ... نشر الاشاعة ... شجار وسط المرضى ....

آخر مواضيعي

كذب ... حسد ... نشر الاشاعة ... شجار وسط المرضى ....

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016



التعديل الأخير تم بواسطة أم التوام ; 2016-04-08 الساعة 04:11
عرض البوم صور أم التوام   رد مع اقتباس

قديم 2015-07-02, 22:38   المشاركة رقم: 2 (permalink)
المعلومات
الكاتب:

البيانات
التسجيل: Apr 2015
العضوية: 259
الجنس :
أنثــــى
الدوله :
الجزائر
الحالة الاجتماعية :
متزوجة
المشاركات: 331 [+]
بمعدل : 0.34 يوميا
عدد المواضيع : 57
عــدد الــردود : 274
اخر زياره : [+]
معدل التقييم: 0
نقاط التقييم: 0
تلقى إعجابات : 390
أرسل إعجابات : 497
الحالة:
أم لينة غير متواجد حالياً
أم لينة is an unknown quantity at this point
 


كاتب الموضوع : أم التوام المنتدى : الاحداث اليومية
افتراضي

ههههه رحت داوي زدتي على روحك الحمد لله على سلامة راسك حنونة زادو عليك نفسيا على التعب الجسدي ربي معاك .اما النسا لي يحكيو عليك هههه لوكان غير خليتيهم على نيتهم مساكن ههههه و انت في قلبك اقراي المعوذتين على الحسد . هاذو هوما الناس يهدرو و يحلفو على هدرتهم و الصح عند ربي .











أم التوام أعجبه هذا.
آخر مواضيعي

بريوش من مطبخ ام اماني.


تحميل كتاب ديوان قيس بن الملوح مجنون ليلى بصيغة pdf


اعراس و عوايد .... ادخل احكيلنا عوايد بلادك


شاركينا مقتنياتك في * كوسميتيك حواء الوادي انفو*


مجموعة باترونات مفيدة.


عرض البوم صور أم لينة   رد مع اقتباس

قديم 2015-07-02, 23:46   المشاركة رقم: 3 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.83 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


كاتب الموضوع : أم التوام المنتدى : الاحداث اليومية
افتراضي

اقتباس:
المشاركة الأصلية كتبت بواسطة أم لينة مشاهدة المشاركة
ههههه رحت داوي زدتي على روحك الحمد لله على سلامة راسك حنونة زادو عليك نفسيا على التعب الجسدي ربي معاك .اما النسا لي يحكيو عليك هههه لوكان غير خليتيهم على نيتهم مساكن ههههه و انت في قلبك اقراي المعوذتين على الحسد . هاذو هوما الناس يهدرو و يحلفو على هدرتهم و الصح عند ربي .

ههههه ايه صبرا والله غير تعبت وتصدمت هذه تقريبا قريبتنا صح تجينا غير امها بصح راهي تعرفنا علاه تكذب وتزيد اما العركة حدث ولا حرج ههههه هذا هو حال شعبنا الا من رحم ربي
لا احترام ولا نظام
والكلام البذئ من فوق
ربي يهدينا ويصلح لحوال

وشكرا لمرورك الطيب











أم لينة أعجبه هذا.
آخر مواضيعي

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016


عرض البوم صور أم التوام   رد مع اقتباس

قديم 2016-07-07, 00:42   المشاركة رقم: 4 (permalink)
المعلومات
الكاتب:

البيانات
التسجيل: Jul 2016
العضوية: 3949
الجنس :
ذكــــــر
الدوله :
الجزائر
المشاركات: 108 [+]
بمعدل : 0.21 يوميا
عدد المواضيع : 4
عــدد الــردود : 104
اخر زياره : [+]
معدل التقييم: 19
نقاط التقييم: 10
تلقى إعجابات : 0
أرسل إعجابات : 1
الحالة:
boukhari1964 غير متواجد حالياً
boukhari1964 is on a distinguished road
 


كاتب الموضوع : أم التوام المنتدى : الاحداث اليومية
افتراضي

بارك الله فيك











آخر مواضيعي

مـــتـــوفــر 470 دولار payonner للبيع مقابل ccp


متوفر 87 دولار بايونير مقابل ccp


بيع 200 دولار بايونير


طلب الاعتماد كبائع عملة الكترونية


عرض البوم صور boukhari1964   رد مع اقتباس
إضافة رد

مواقع النشر (المفضلة)

الكلمات الدلالية (Tags)

...., المرضى, الاشاعة, شجار

المواضيع المتشابهه
الموضوع كاتب الموضوع المنتدى مشاركات آخر مشاركة
كذب + عدم الوفاء بالوعد + خيانة الامانة = نفاق استاذ علي المواضيع العامة 1 2015-06-25 15:05
سكولز أفضل لاعب وسط في تاريخ البريمييرليج Ć.ŖŎήaĻđo المنتدى الرياضي العام 1 2015-05-20 02:04
نصائح للتعامل مع كذب الأطفال أم التوام منتدى اطفالنا الاحباء وكل ما يتعلق بهم 4 2015-05-16 01:18
كل ما تحتاج معرفته عن حصى المرارة أم التوام المجلة الطبية 1 2015-05-04 19:22
حب في وسط البحار tAmmAm منتدى القصص والروايات 0 2015-03-16 18:37


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : متاحة
المصادر : متاحة


 

الساعة الآن 07:35 بتوقيت الجزائر
المنتدى غير مسؤول عن أي اتفاق تجاري أو تعاوني بين الأعضاء, فعلى كل شخص تحمل مسئولية نفسه.
التعليقات المنشورة لا تعبر عن رأي منتديات الوادي انفو ولا نتحمل أي مسؤولية حيال ذلك (ويتحمل كاتبها مسؤولية النشر).


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO TranZ By Almuhajir, منتدى الوادي , منتدى وادي , منتدى الجزائر