التراث الجزائري و العربي و الاسلامي عادات وتقاليد...لهجات مختلفة....ثقافات....


إضافة رد
 
LinkBack أدوات الموضوع انواع عرض الموضوع

قديم 2015-06-03, 12:20   المشاركة رقم: 1 (permalink)
المعلومات
الكاتب:

البيانات
التسجيل: Apr 2015
العضوية: 259
الجنس :
أنثــــى
الدوله :
الجزائر
الحالة الاجتماعية :
متزوجة
المشاركات: 331 [+]
بمعدل : 0.34 يوميا
عدد المواضيع : 57
عــدد الــردود : 274
اخر زياره : [+]
معدل التقييم: 0
نقاط التقييم: 0
تلقى إعجابات : 390
أرسل إعجابات : 497
الحالة:
أم لينة غير متواجد حالياً
أم لينة is an unknown quantity at this point
 


المنتدى : التراث الجزائري و العربي و الاسلامي
قلوب اعراس و عوايد .... ادخل احكيلنا عوايد بلادك



اعراس عوايد .... ادخل احكيلنا عوايد بلادك



السلام عليكم ورحمة الله وبركاته


كيفكم اعضاء منتدى الوادي ان شاء الله الكل تمام ...
bon جاتني فكرة و حبيت نكتب عليها هذا الموضوع اعراس عوايد .... ادخل احكيلنا عوايد بلادككيما تعرفو كامل بلادنا الله يبارك تزخر بعادات و تقاليد تميز كل منطقة عن الاخرى و من بين هذي العوايد الاعراس اعراس عوايد .... ادخل احكيلنا عوايد بلادك عندنا كل منطقة و عوايدها و كاين بزاف بلايص معندناش فكرة على عوايدهم اعراس عوايد .... ادخل احكيلنا عوايد بلادك.





اذا ياريت كل واحد يشارك هنا اعراس عوايد .... ادخل احكيلنا عوايد بلادكيعطينا عوايد بلادو من البداية حتى النهاية يخلينا نحسو كاننا حضرنا عرس في بلادو و احنا نقراو واش كتب ..


يلا الكل يشارك اعراس عوايد .... ادخل احكيلنا عوايد بلادك ..


تحياتي للجميع اعراس عوايد .... ادخل احكيلنا عوايد بلادك..
















اعراس و عوايد .... ادخل احكيلنا عوايد بلادك

آخر مواضيعي

اعراس و عوايد .... ادخل احكيلنا عوايد بلادك

بريوش من مطبخ ام اماني.


تحميل كتاب ديوان قيس بن الملوح مجنون ليلى بصيغة pdf


اعراس و عوايد .... ادخل احكيلنا عوايد بلادك


شاركينا مقتنياتك في * كوسميتيك حواء الوادي انفو*


مجموعة باترونات مفيدة.



التعديل الأخير تم بواسطة أم التوام ; 2015-08-09 الساعة 20:39 سبب آخر: اضافة ختم الموضوع المميز
عرض البوم صور أم لينة   رد مع اقتباس

قديم 2015-06-03, 14:58   المشاركة رقم: 2 (permalink)
المعلومات
الكاتب:

البيانات
التسجيل: Apr 2015
العضوية: 259
الجنس :
أنثــــى
الدوله :
الجزائر
الحالة الاجتماعية :
متزوجة
المشاركات: 331 [+]
بمعدل : 0.34 يوميا
عدد المواضيع : 57
عــدد الــردود : 274
اخر زياره : [+]
معدل التقييم: 0
نقاط التقييم: 0
تلقى إعجابات : 390
أرسل إعجابات : 497
الحالة:
أم لينة غير متواجد حالياً
أم لينة is an unknown quantity at this point
 


كاتب الموضوع : أم لينة المنتدى : التراث الجزائري و العربي و الاسلامي
افتراضي

و بما اني صاحبة الفكرة راح نحكيلكم على عاداتنا في ولاية المسيلة .

المراحل لي يمر بيها العرس نسموها :


"الشوفة"، "الفريضة"، "سعفية الهنا أو الطلاعة الصغيرة"، "المودة"، "الخطبة"، "العقد أو أخذ المعروف" وأخيرا "الدخول أو العرس".


* الشوفة : متعارف عليها نقدرو نقولو عليها الاتفاق المبدئي وهنا الشاب يقدم حاجة رمزية كل واحد و مقدورو كاين لي يمد دراهم للعروس او خاتم ذهب كدليل على القبول.


*الفريضة : بعد الموافقة الاولية تكون كاين زيارات من قبل عائلة الشاب لعائلة العروس باه يتفقو على الشروط المتعلقة بالزواج و لي يتحمل تكاليفها عائلة الزوج ،و هذي الخطوة هي تعتبر الموافقة النهائية على الزواج و يجيبو فيها اهل العريس { سعيفة الهنا أو الطلاعة الصغيرة } و يحطو فيها حلويات و الحنة و حاجة ذهب حسب مقدور العريس،و كاين مناطق لي يقدمو فيها المهر لي يوصل حتى 15 مليون مع احتساب الذهب و الجهاز و في سيدي عيسى المهر ادنى حد 2 ملاين و زوج حوايج ذهب و الجهاز لي يتكون من لبسة تكون في فليزة مجهزة من كلش .

و كاين ايضا لي يقراو الفاتحة في هذي المرحلة و كاين لي يأجلوها للعرس.
* الفكرانيّة او الحنة "..احتفالات الخطبة :
في هذه المرحلة تكون الخطبة في بيت العروس و تختلف من منطقة لاخرى في الولاية و على العموم يتم فيها تلبيس العروس لخاتم الخطوبة ، و كاين لي يقراو فيها الفاتحة {ياخدو المعروف}
ومن هذه المرحلة حتى يوم العرس تكون كاين زيارات في المواسم و الاعياد لبيت العروسة من قبل اهل العريس ومعاهم الهدايا على حسب امكانية العريس و تسمى {الفكرانية}او { المودة}.


* العرس : العرس يبدا اسبوع حتى يوم الخميس و فيها يدير الشاب الحنة ديالو و يعرض صحابو و نهار الاربعاء تقام حنة العروس وين يروحو اهل العريس و يدو الجهاز لبيت العروسة في موكب سيارات و يقدمو الحلويات و كاين لي يصرفو بزاف دراهم على الجهاز لي يسموه ايضا { الطلاعة الكبيرة }


اما يوم الخميس تلبس العروسة فستان الزفاف و تؤخذ في موكب سيارات مع الخيل و البارود يدورو بسيارة العروس و يضربو البندير و البارود و كاين لي يحبسو في نص الطريق و يديرو رحبة بالبندير و البارود و يهبطو الشباب فقط و يشطحو ثم يستانفو الرحلة لبيت العريس .وين يكملو الاحتفالات و يديرو العشاء و هنا العروس متتصدرش تقعد غير بفستان عرسها .


* يوم الجمعة { التحزام }
هنا كاين لي يدو العروسة للحمام مع العويتقات و تتحمم و ترجع لبيت زوجها و تتصدر و يحزموها اهل العريس و يكون اما والد زوجها او اخوه الاكبر، و تقدم فيه ام العروس الجفنةأو القصعة التي تحتوي على الكسكسي واللحم والدجاج مُزينة بالبيض والزبيب وأنواع من الحلوى... وهناك في بعض المناطق بجنوب الولاية من يؤخرون تقديم "الجفنة" إلى اليوم السابع من العرس.يعني كي ترد العروسة الاسبوع .


هذا هو العرس في المسيلة ان شاء الله استمتعتو ...














آخر مواضيعي

بريوش من مطبخ ام اماني.


تحميل كتاب ديوان قيس بن الملوح مجنون ليلى بصيغة pdf


اعراس و عوايد .... ادخل احكيلنا عوايد بلادك


شاركينا مقتنياتك في * كوسميتيك حواء الوادي انفو*


مجموعة باترونات مفيدة.



التعديل الأخير تم بواسطة أم لينة ; 2015-06-03 الساعة 15:00
عرض البوم صور أم لينة   رد مع اقتباس

قديم 2015-06-03, 15:01   المشاركة رقم: 3 (permalink)
المعلومات
الكاتب:

البيانات
التسجيل: Apr 2015
العضوية: 84
الجنس :
ذكــــــر
الدوله :
الجزائر
المشاركات: 534 [+]
بمعدل : 0.54 يوميا
عدد المواضيع : 265
عــدد الــردود : 269
اخر زياره : [+]
معدل التقييم: 49
نقاط التقييم: 588
تلقى إعجابات : 390
أرسل إعجابات : 86
الحالة:
مختار22 غير متواجد حالياً
مختار22 is a name known to allمختار22 is a name known to allمختار22 is a name known to allمختار22 is a name known to allمختار22 is a name known to allمختار22 is a name known to all
 


كاتب الموضوع : أم لينة المنتدى : التراث الجزائري و العربي و الاسلامي
Post سيدي بلعباس

السلام عليكم و رحمة الله و بركاته أنا من الغرب الجزائري بالتحديد من ولاية سيدي بلعباس رايح نحكيلكم تقاليد هذه المدينة من بداية الخطبة إلى حفلة العرس...إذا حب شخص يخطب بنت يبعت والدته و ممكن ترافقها الخالة أو العمة أو الجدة لبيت البنت و إذا وافقت البنت و أهلها على العريس يتفاهموا على المهر فمثلا يقولة رايحين ندفعوا ستة ملاين و الذهب إما يكون طقم ذهب أو سلسلة و منقو ش و مسيبعات و خاتم وذلك حسب رغبة البنت و الملابس ****و أو قسنطينية و معاهم فوقية و معاهم الحذاء و الجلابة و بعض الأغراض...يعطوها النقود و الأغراض الأخرى حتى يوم العرس ,,في فترة الخطوبة كل مناسبة يجو أهل العريس يجيبو الفقدة للبنت فمثلا عيد الأضحى يجوبولها حقها تاع اللحم و لباس ، صابون عطور ...الخ,,, في نفس الوقت في هذه الفترة البنت تلم جهازها تخيط لحافات و الوسادات و تشري الملابس التقليدية فوقيات، قسنطينية، عنابية ، ملابس الدار المهم تخسر بلاك 20و لا كتر على جهازها لما يقرب العرس باسبوع و لا اسبوعين يعملو العقد المدني ثم العرس يجيبو أهل العريس كبشين و الخضار و الزيتون الاخضر و البرقوق (العين) وكل أغراض الطبخ لبيت العروسة قبل العرس بيوم يوم العروس يعملو اهل العريس فطور للرجال و يقرو الفاتحة ، و في المساء تعمل العروس حفلتها تبقى تلبس كل م لابسها التقليدية أول حاجة تلبسها الشدة التلمسانية ويكونو اهل العريس حاضرين و يعشو كل الحضور - معظم الاعراس يكون العشاء فيها عبارة عن حريرة بوراك سلاطات طاجين زيتوة بالدجاج او اللحم طاجين برقوق باللحم- بعد العشاء يقسموا على الحضور علب الحلويات ، بعد عرس البنت بأسبوع يعمل العريس عرسو هو و يجيبولو العروسة من دار أهلها بالشدة التلمسانية وتبقى تبدل و في الأخير تلبس الفستان الأبيض و تروح هي و العريس لبيتهم،،،،، و هادي هي نتمنى يعجبكم











سيدي بلعباس

آخر مواضيعي

سيدي بلعباس

ولايات الجزائر ( موسوعة 48 ولاية )


مواضيع مقترحة في الرياضيات شعبة علوم تجريبية


كشف النقاط للإمتحان شهادة التعليم الابتدائي 2015


تنظيم معلقات مكتب مدير مدرسة ابتدائية


برنامج تسيير مركز الامتحان


عرض البوم صور مختار22   رد مع اقتباس

قديم 2015-06-03, 15:05   المشاركة رقم: 4 (permalink)
المعلومات
الكاتب:

البيانات
التسجيل: Apr 2015
العضوية: 259
الجنس :
أنثــــى
الدوله :
الجزائر
الحالة الاجتماعية :
متزوجة
المشاركات: 331 [+]
بمعدل : 0.34 يوميا
عدد المواضيع : 57
عــدد الــردود : 274
اخر زياره : [+]
معدل التقييم: 0
نقاط التقييم: 0
تلقى إعجابات : 390
أرسل إعجابات : 497
الحالة:
أم لينة غير متواجد حالياً
أم لينة is an unknown quantity at this point
 


كاتب الموضوع : أم لينة المنتدى : التراث الجزائري و العربي و الاسلامي
افتراضي

شكرا اخي مختار على تعريفنا بعادات منطقتكم .











أم التوام و ام محمد سلمى معجبون بهذه.
آخر مواضيعي

بريوش من مطبخ ام اماني.


تحميل كتاب ديوان قيس بن الملوح مجنون ليلى بصيغة pdf


اعراس و عوايد .... ادخل احكيلنا عوايد بلادك


شاركينا مقتنياتك في * كوسميتيك حواء الوادي انفو*


مجموعة باترونات مفيدة.


عرض البوم صور أم لينة   رد مع اقتباس

قديم 2015-06-03, 15:25   المشاركة رقم: 5 (permalink)
المعلومات
الكاتب:

البيانات
التسجيل: Apr 2015
العضوية: 84
الجنس :
ذكــــــر
الدوله :
الجزائر
المشاركات: 534 [+]
بمعدل : 0.54 يوميا
عدد المواضيع : 265
عــدد الــردود : 269
اخر زياره : [+]
معدل التقييم: 49
نقاط التقييم: 588
تلقى إعجابات : 390
أرسل إعجابات : 86
الحالة:
مختار22 غير متواجد حالياً
مختار22 is a name known to allمختار22 is a name known to allمختار22 is a name known to allمختار22 is a name known to allمختار22 is a name known to allمختار22 is a name known to all
 


كاتب الموضوع : أم لينة المنتدى : التراث الجزائري و العربي و الاسلامي
Post

شكرا أختي أم لينة على الموضوع ، يستحق التثبيت











آخر مواضيعي

ولايات الجزائر ( موسوعة 48 ولاية )


مواضيع مقترحة في الرياضيات شعبة علوم تجريبية


كشف النقاط للإمتحان شهادة التعليم الابتدائي 2015


تنظيم معلقات مكتب مدير مدرسة ابتدائية


برنامج تسيير مركز الامتحان


عرض البوم صور مختار22   رد مع اقتباس

قديم 2015-06-04, 02:29   المشاركة رقم: 6 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.80 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


كاتب الموضوع : أم لينة المنتدى : التراث الجزائري و العربي و الاسلامي
ورده

شكرا على الموضوع ام لينة ونتمنى تفاعل كل الاعضاء



العرس الشاوي


نقلته من النت وفيه بزاف تقاليد ماشي مذكورة

لما اكون رايقة ارجع واكتب تقاليد الي نعملها نحن في اعراسنا



تحتفل العائلات الشاوية بالأعراس التي تدوم 7 أيام تتخللها الفرحة، والتحضيرات للعرس بدءا بأطباق الكسكسي والشخشوخة، شربة فريك والحلويات وكل مستلزمات العرس. وتتميز "بلاد الشاوية" بالعادات والتقاليد تميزها عن باقي مناطق الوطن حيث يبدأ العرس بليلة الثلاثاء حيث يقوم أهل العريس بأخذ الكبش وكل مستلزمات الطهي لأهل العروس ويستقبلون من طرف أهل العروس مع حضورهم لذبح الكبش.
ويقوم أهل العروس بتحضير طبق الشخشوخة لهم، ووشواء لهم جزء من اللحم والكبد وتقدم لهم القهوة، ثم عودة أهل العريس إلى بيتهم ويقومون بتحضير العشاء الذي يتكون من كسكسي وشربة فريك وكفته وحفلة ساهرة في الليل تحتوي على أغاني تقليدية شاوية تتمثل بالرحابة بعد يوم الثلاثاء الساهر.
المحظوظة في زواجها هي من تحني العروس
وفي هذا اليوم تقوم العروس بوضع الحنة المعروفة باسم "حنة بابها" والتي تكون في صحن مزين بالشر اشف والشموع مع غناء النسوة باستعمال "أضبال" وهو البندير. ومن عادات أهل العروس أن تتكفل سيدة من أقاربها تكون محظوظة في حياتها الزوجية، بوضع الحنة، وذلك تبركا بها، ومن ثمة توضع الحنة للبنات العازبات من أجل تعجيل زواجهن، وفي الغد تذهب العروس إلى الحمام في موكب وتأخذ مجموعة من البنات وتدفع هي تكاليف الحمام، ومن ثمة الاتجاه يكون نحو الحلاقة، في حين أهلها يحضرون فطور المتكون من "بكبوكة" و"سلطة"، وأما العروس يتم تحضير لها قلب الشاة والكبد ، وبعدها تلبس لباس تقليدي، تنتظر أهل زوجها، بوصولهم يتم استقبالهم بالزغاريد و"البندير" وطلقات "البارود" وتحضر لهم القهوة والغداء، ويحضر أهل العريس ما يسمى بزفة العروس والتي تتكون من ذهب وملابس للعروس، وصينية من القشقشة وهي "حلوى، جوز، لوز، كاوكاو..."، ومن ثمة تجلس العروس باتجاه القبلة مع وضع فوق رأس العروس "ذراية" وهي عبارة عن شاش وتجلس معها رفقتها فتاتين عازبتين واحدة من أهل العريس والأخرى من أهل العروس، ثم تأخذ واحدة من أهل العريس الصينية وتضعها فوق شاش العروس، في حين حبات الحلوى التي تسقط هي عدد الأولاد التي سترزق بهم في المستقبل، وهناك من أعتبرها خرافات وطقوس تؤمن بها العجائز، بينما يرى البعض الأخر أنها في غاية المتعة والروعة، حيث مازالت تطبق إلى يومنا هذا، ومن ثمة توضع الحناء في يد العروس من طرف ام العريس مع وضع حبات "اللويز"، وتلبيسها الخاتم والذهب الخاص بها وتلقيها العديد من الهدايا.
عشاء أهل العريس
ثم يذهب أهل العريس بالرجوع للبيت، حيث يدعون مجموعة من النساء لتحضير عشاء كبير لأصحاب العريس وبعد العشاء يقومون بتحنية العريس من طرف أمه وقيامهم بحفلة ساهرة ثانية ويأتي يوم الخميس الذي تزف فيه العروس إلى أهل زوجها حيث يحضرونها بالسيارات مع فرسان وزغاريد وإطلاق النار بصورة مريعة وكأنها حرب. ومن ثم تذهب العروس لبتها الجديد وتمني الناس لها بالسعادة والفرح.
"ثيكسيوين" اللباس الأمازيغي للشاوية
وأهم ما ميزهم كذلك هو لباس المرأة الأوراسية "ثيكسيوين" أو ما يعرف "بالملحفة"، وهو قطعة هامة في اللباس الشاوي، وما يزيد "الملحفة" جمالا ورونقة، هو تزيين المرأة بالحلي الفضية التلي "لخلال" وهو إكسسوار فضي يمسك بها طرفي الملحفة بين الكتف وأعلى الصدر، وما يميزها هي أشكالها وألوانها وتلبسه العروس يوم ذهابها لبيت زوجها، حيث ترتدي الألبسة التقليدية من الجبة القسنطينية والسطايفية والشاوية .
















نسيم الجزائر و أم لينة معجبون بهذه.
آخر مواضيعي

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016


عرض البوم صور أم التوام   رد مع اقتباس

قديم 2015-06-04, 10:36   المشاركة رقم: 7 (permalink)
المعلومات
الكاتب:

البيانات
التسجيل: Feb 2015
العضوية: 1
الجنس :
ذكــــــر
الدوله :
الجزائر
المشاركات: 436 [+]
بمعدل : 0.42 يوميا
عدد المواضيع : 186
عــدد الــردود : 250
اخر زياره : [+]
معدل التقييم: 10
نقاط التقييم: 0
تلقى إعجابات : 310
أرسل إعجابات : 489
الحالة:
نسيم الجزائر غير متواجد حالياً
نسيم الجزائر تم تعطيل التقييم
 


كاتب الموضوع : أم لينة المنتدى : التراث الجزائري و العربي و الاسلامي
افتراضي

شكرا ام لينة ومختار لاثرائنا بعدات الاعراس لمدنتيكما ام التوام لازنا نتظر بوح قلمك مو نقل من النات


بالنسبة لمدنتنا وادي سوف كغيرها من ولايات الوطن تتشابه وتختلف في بعض التفاصيل ولا نستغرب مع ذلك الاختلاف موجود حتى داخل الولاية الواحده زمان كنا نسمعو باشياء ما عاصرناها وربما لازالت موجوده عند بعض اهل البادية يخطب ويزوج مهر خفيف والسلام ربما الزوجه ماتسنع انها مخطوبة ولكن نرجع للمدينة الوادي نلقى شيء اخر اول الامر شاف البنت يحكي لاهله وهم يتصرفوا لو وافقو او يخطبولوا من اختيارهم بعد تشاور مع - العريس المرتقب وهذي بتسمية الزواج التقليدي واكيد حسب درجه القرابة والمعرفة لاهل العريس تتم سلاسة الخطبة , اول الامر الاهل يزورو اهل العروس مثل ماقال مختار الام وبناتها ان وجدوا مع اختها او مقربة ليها باه مايسمع حتى حد بيهم وبقصتهم


يشوفوا البنت لو عجبتهم ولقو القبول يروح الرجال يعني الاب ورفيق له وممكن وحدوا لوي العروس واكيد فيه فتره تشاور ولو عندك المال قول جاي نـ ... يقلك الف مبروك قبل ماتكمل كلامك للمزاح فقط وربما كاينا في الجزائر كاملة الشيء هذا


بعد المرحلة هذي نروح - للشبحة - يعني العريس باه يشوف العروس في وقت زواجي يعني من 9 سنوات سابقة كان العريس ياخذ معاه الف دينار - مائه الف - في جيبوا وجيبوا الاخر 5000 دج خمسمائة الف - لو عجباتو يقدملها المبلغ 500 الف ولو ماعجباتوا 100 الف ماتضنوش ان الرجل هو ليقبل ويرفض لاني نعرف ناس قالولهم خلي فلوسك في جيبك


ويكون برفقة الاهل نساء ورجال وكاينين في صمت تتم لحكاية وغالبا بعد صلاة الجمعه لما مايقدر اي شخص يخرج من دارهم يشوف ايش الاخبار الحرارة 50 درجه
لو تم القبول راح يقدم مال حسب القدرة او الاتفاق ايامي كانت من 7 الى 12 مليون + ذهب او من غيروا حسب الاتفاق واليوم اكيد تغيرت الناس راه تدفع في ثمن حجة لبيت الله والزوالي يدفع ثمن عمرة سبحان الله
وهذي المرحلة ولسبقتها اكيد فيها بعض الحلويات والمشروبات الا الاخيرة فيها شويا 123 فيفا لالجيري اكيد فهمتوني من اخر الوادي لاول الوادي يسمع اوك سمعنا


المرحلة لبعدها تكون قبل اسبوع غالبا او اسبوع الزواج والعقد في البلدية واكيد العريس الجزائري او السوفي لازم شويا حلويات ومشروبات على عدد الناس لرايحين يخدموا اوراق او يستخرجوا وثائق في البلدية واكيد العريس المسكين يختار موعد العقد يكون على الواجده زوالا تقليل مصاريف وهيصة


بعدها تيجي يوم -الحنة - بالنسبة للعريس والعروس


العروس يتم عمل الحنة ليها وتكون مضيفين الناس والضيوف واكيد فيها اكل حسب القدرة


وبالنسبة للعريس يحنولوا اصبعان ويقولوا روح نام غدوه يرحمها ربي ويستيقظ عاده من العادات لازم يروح الى السوق بمقر الولاية اما سوق دبي او سوق ليبيا يشتري بعض الحاجيات وكاينين لعملوها يوم الجنة والشاطر الايام لقبلها ويريج عقلوا . وماننسوش يوم الحنية بالنسبة للعريس يروح للحمام هو اصدقائه باه ينحي قشور الحوت لعلى جسموا


يوم - الرواح - اي العرس يجهز العريس لانتظار وقت الفطور من اجل ان يحضر العقد تع الجماعه اي العقد الشرعي اصطلاحات من الوادي ويباركولوا على الزواج والولي يشرط شورطوا هناك واغلبها شروط بسيط حلق او سلسلة او خاتم وزيد الهناء واكيد احيانا نشوفوا شروط غريبة شويه
وبعدها كان ينتظر وقت العصر يروح العريس لمكان يسموه - الحجابة - البعض مزالت سائده عندهم والبعض تخلص منها والحجابة - حرف الجيم به شده - تعني يروح لمكان مزينينو مسبقا مثل الجدران بستائر ومفروش بحصائر اشياء من هذي يروحوا الناس يباركولو هناك واكيد فيه شاي وكاوكاو - فول سوداني -
وبعدها يجي وقت الرواح اي الدخلة


واليوم الموالي يوم الصباح يسموه العروس في المساء يعملو حاجه يسموها الحزام من تقاليد سوف بالوادي ان العروس تغير ثيابها وتعرض لباسها عن الحظور ليست بملابس على الشاكلة القسنطينية او التلمسانية ليست لدي معلومات كافيه لانواع هذه مع تلبيس العروس بحزام يتخلله بعض المجوهرات كل واحد وجيبوا


وخلاص كمل العرس وتيجي مرحلة الكبوب ان العريس يزور بيت العروس والاقربون لها ربما لم تبقى شيء اسمو المقربون للجيل الحالي من العرسان - الازواج -


ربما لم اذكر بعض التفاصيل الاخرى او نسيت او تغيرت العادات كعادتها لكي لا يلومني البعض على ردي الميزاجور تبعي متأخرة 9 سنوات لما نزوج أنيس ابني راح احكيلكم الجديد ان كنا من اهل الدنيا


تقبلو مروري ومشاركتي لكم للنقاش واعتذر نسيت نفسي وطولت حسبت روحي في مجلة الوادي


وفقكم الله











أم التوام و أم لينة معجبون بهذه.
آخر مواضيعي

فلاشة تابلات كوندور flash firmware Tablette CONDOR TGW-706


تفليش كوندور plus condor c4+ PGN-403


تفليش كوندور plus condor c6+ PGN-508


فلاشة تابلات كوندور flash firmware Tablette CONDOR TCV-703G


تفليش كوندور condor c8 PHS-601



التعديل الأخير تم بواسطة أم التوام ; 2016-05-09 الساعة 21:39
عرض البوم صور نسيم الجزائر   رد مع اقتباس

قديم 2015-06-04, 14:13   المشاركة رقم: 8 (permalink)
المعلومات
الكاتب:

البيانات
التسجيل: Apr 2015
العضوية: 259
الجنس :
أنثــــى
الدوله :
الجزائر
الحالة الاجتماعية :
متزوجة
المشاركات: 331 [+]
بمعدل : 0.34 يوميا
عدد المواضيع : 57
عــدد الــردود : 274
اخر زياره : [+]
معدل التقييم: 0
نقاط التقييم: 0
تلقى إعجابات : 390
أرسل إعجابات : 497
الحالة:
أم لينة غير متواجد حالياً
أم لينة is an unknown quantity at this point
 


كاتب الموضوع : أم لينة المنتدى : التراث الجزائري و العربي و الاسلامي
افتراضي

شكرا ام التوام على مشاركتنا عاداتكم ، و الشكر موصول ايضا للاخ ادمن عندك الحق راه الوقت زايد غير يتغير و يجيب معاه عادات جديدة دخيلة و تمحى العادات القديمة لكن كيما يقولو الجديد حبو و القديم لا تفرط فيه لانو صح عندو طعمو الخاص.صديقة ليا راهي متزوجة عندكم في واد سوف و احنا عوايدنا تختلف على عوايدكم لكن بما انها كانت عروس كانت دير واش يقولولها بفم ساكت هههه و الحمد لله راهي الان متهنية في حياتها و عندها ابن .











أم التوام أعجبه هذا.
آخر مواضيعي

بريوش من مطبخ ام اماني.


تحميل كتاب ديوان قيس بن الملوح مجنون ليلى بصيغة pdf


اعراس و عوايد .... ادخل احكيلنا عوايد بلادك


شاركينا مقتنياتك في * كوسميتيك حواء الوادي انفو*


مجموعة باترونات مفيدة.



التعديل الأخير تم بواسطة أم التوام ; 2016-05-09 الساعة 21:40
عرض البوم صور أم لينة   رد مع اقتباس

قديم 2015-06-04, 19:07   المشاركة رقم: 9 (permalink)
المعلومات
الكاتب:

البيانات
التسجيل: Feb 2015
العضوية: 19
الجنس :
أنثــــى
الدوله :
الجزائر
المشاركات: 10,064 [+]
بمعدل : 9.80 يوميا
عدد المواضيع : 4465
عــدد الــردود : 5599
اخر زياره : [+]
معدل التقييم: 0
نقاط التقييم: 0
تلقى إعجابات : 4075
أرسل إعجابات : 4538
الحالة:
أم التوام غير متواجد حالياً
أم التوام is an unknown quantity at this point
 


كاتب الموضوع : أم لينة المنتدى : التراث الجزائري و العربي و الاسلامي
قلوب العرس الشاوي من بيتنا (مجهودي الخاص )




السلام عليكم ورحمة الله وبركاته



الموضوع المفروض يكون في موضوع ام لينة عوايد الاعراس لكن لاني راح اتكلم بالتفصيل الممل عن

العرس وعاداته عند اهلي بالتفصيل قررت يكون مستقل وبعد يتم دمجه

راح احك على العرس نتاعنا يعني عرس البنت والولد كيف

هو في خنشلة تختلف العادات كل عرش وكيفماش واصلا العادات بدات تندثر وصارت الاعراس كلاسكية




لكن في عرشنا مازلنا متمسكين بالتقاليد القديمة يعني الي تعرس

او يعرس لازم عرسه يكون مثل عرس نانا وجدي في الزمن الغابر ههههه بصح تقاليد روعة

راح احكيلكم على اهلي بالخصوص كيفاش العرس يكون عندنا

بسم الله


الخاطب لما يعجب ببنت يروح لابوها او عمها يخبره في نيته الزواج منها
الاب يسقسي على هذاك الانسان ولو حتى من مدينة اخرى يروح واحد ويسقسي عليه
ولما يعرفوا بلي هذاك الانسان صاحب دين وخلق وناس ملاح يعيطلوا يقولوا تجوا للشوفة او الرؤية الشرعية


الخاطب يرجع و معه امه واخواته ...الخ

اهل البنت يديروا غدا
مثلا نحن ماما دارت بربوشة وشربة وطاجين لحلو
وحلويات ورفيس ولبن
وعيطت على النساء الكبيرات فقط
عماتي وخلاتي ونانا وزوجات اعمامي

اما الرجال كل اعمامي يحضروا وبعض اخوالي

من بعد الاب يعيط على البنت وتلبس لبسها الي تلبسه برا
حجاب وخمار وتدخل لتتم الرؤية
من بعد اذا تم القبول
النساء يزغردوا ويلبسولها الخاتم

انا واختي ابي في هذيك اللحظة تكون العقد الشرعي والا ممنوع الخاطب يشوف البنت حتى يوم الزواج

(اهلي هذه عادات يعني من غير ما يدركوا انه قال بها الشرع )


من بعد البنت صارت زوجة ذاك الرجل هنا يتفاهموا على يوم الحنة وفيه الي يدير العقد المدني مع الحنة وفيه الا قبل الزواج بيومين

انا اتفقوا الحنة تكون بعد اسبوعين

وكنت راح نديروا العقد المدني (مثل اختي يكون مع الحنة ) لكن لم ابلغ سن 18


لما يجبوا الحنة هنا حسب قدرة الزوج اذا المهر متوفر يجيب كلش مع بعض

واذا ما وجدش يجيب الا الملاك + الكسوة + وخاتم الحنة (من بعد نقول واش يجيبوا )

ويبقى المهر والباقي حتى يوجد



انا جابوا كل شيئ مع بعض


المهر عنا يغلوا بزااااااااف

وابي ما يشرطش هو عمي لكبير هو الي يشرط على جميع لبنات

كان جدي رحمه الله ومن بعد هو

يعني اي وحدة من العائلة تتخطب عمي الي يشرط وابوها ما يدخلش خلاص في الشروط


نحن نقولوا كلش "مقرقب " ق فوقها ثلاث نقاط


يعني يمد كلش دراهم والعروسة تتصرف وحدها


انا واختي مهرنا نفس الشيئ مع انه هي متزوجة ابن عمي وانا من خارج المدينة لكن نفس الشيئ

ماشي معناتها يغلوا على البراني والشاوي لا

عمي واش يقوله راسه هذاك هو وكلمته ما يبدلهاش لو حتى اب البنت يقول نقص غالي بزاف يقول لا


انا الي نعرف ولو يزيدوا معاه لكلام يصرا ما لم يكن في الحسبان ههههه

مهري

20 مليون بين المهر والذبيحة

الذبيحة نقصد بيها غدا لعروسة

الي ما يطلبش دراهم يشرط زوج كباش مع لوازمهم

ويعني العروسة هي الخاسرة مثلا انا بابا زاد من عنده زوج كباش لانه جابوا الغاشي بزاف
ونحن اعراسنا تقوم على البربوشة و اللحم ولازم اللحم يكون حجم كبير
ماشي مثل الوسط والغرب يعتمدوا على الحلويات اكثر


وزيد شرط عمي

مقياس

انا الي جابوه لي في هذاك الوقت 25 مليون وضركا غلى الذهب راهو جاب اضعاف سومته (صرت مليونيرة هههههههه)







وزيد

4 مطارح صوف

نحن محال العروسة تخرج بلا صوف


كل واحد ومقدوره كاين الي تدي زوج وكاين حتى 8 او 10

انا هم جابوا 4 وانا ماما دارتلي 4

مع 12 مخدة

و6 لحوفة صوف


وزيد

شرط

كسوة وملاك مع بعض

اهل زوجي قالوا نحن نمدوها دراهم والعروس تخاير على ذوقها

لكن عمي قال لا نبغي انتم تجيبوا الفاليزة وتوابعها


واهم شرط في الفاليزة

المجبود لازم وضروري هههههه

انا جابولي المجبود القسنطيني الحرة هذاك الوقت ب 4 ونص (بعد نحط الصور )






واخر شرط 3 خواتم

وحدة نتاع الشوفة
ووحدة نتاع الحنة
ووحدة نتاع العقد المدني








وهذه ام زوجي ما بغاتش تفهم بلي ما نلبسهاش فهمها زوجي بصح اصرت انه لازم ها الخاتم لكن ما نلبساهمش مع بعض ابدا وليس في الاصبع الايسر الي حسب اعتقاد البعض انه يزيد المحبة لما تلبس الدبلة فيههو امر ليس من ديننا في شيئ ومن عادات النصارى

يعني ليس في نيت يلما البس واحد فقط انه تدل على المحبة لا البسها على انها خاتم عادي في اي اصبع
ولا البس القطعتين معا


*******


انا يوم الحنة عندنا عرس الطفلة مثل عرس الولد نعرضوا الجميع

ما درتوش في لاصال (نانا لو تسمع بعرس في لاصال محال تروح ههههه )

عندنا لوسع الحمد لله سطح نتاعنا كبير بزاف لم الغاشي كامل


اختي درنا عشاء وهكاك المفروض الحنة تكون عشاء

اما انا غداء لانهم من مدينة اخرى ويجوا بكري


درنا بربوشة
شربة
زيتون مع الكفتة
حميص
طاجين حلو


والحلويات اهمها المقروظ والبقلاوة

و جبنا هاذوكم النسا الي يغنوا بالدف

لانهه في بيتنا ممنوع الغناء لكن اعمامي يديروا اعراساولادهم بالغناء


بعد ما يتغدا الغاشي كامل اهل العروس ولعريس وكامل المعروضين


تكون الحنة (على فكرة ما درتش الحنة لانها من البدع لما تحط شويا حنة في صحن ويحطوا في دين لعروسة بحجة انه راح تجيب بزاف اولاد وهاذيك الحنة تبارك لها في الزوج وكلها بدع لا اصل لها )

تدخل لعروسة بالمجبود كاين الي تكريه وكاين الي تسلفه

انا لبست نتاع اختي


من بعد يبدوا اهل لعريس يوروا واش جابوا في الكسوة ولملاك


هذه بعض من ملاكيي فيهم الي ما لبستوش خلاص


كوكتال لانه اهل زوجي عندهم مثله مثل المجبود تقريبا





وقبائلي







ومنصوريات وقفاطن وقماشات ماشي مخيطين نتاع عرايس





واشياء كثيرة منها قندورة الشامسة يعنيلما تكون ملاك مع كسوة لازم على الاقل 5 تبديلات تقليدية او اكثر

واعيد ما لبست شيئ منها لحد الساعة الا المجبود مرة واحدة (يعني خسارة وتبذير بنظري )



من بعد زيد نبدل لبسة اخرى ويلبسوا الخاتم

ومن بعد زيد لبسة اخرى ويلبسوا المقياس

وخلاص


وهاذيك الكعكة والزوج يلبس الخاتم ما درتهاش


نحن لضركا عنا ممنوع يدخل الزوج

اذا حبيشوف زوجته تروح هي له في مكان وحدهم مع وجود اخته او احد افراد العائلة



----------------------------------





وبعد يتم الاتفاق على العرس

وكدرت العقد المدني

نحن في اهلنا الطفلة ما تروحش للبلدية عندنا جريمة هههههه

الكاتب يجيبوه للدار

ويكون غدا خفيف وخلاص
لكن عادات اهل زوجي غير
يوم العقد كانه عرس انصدمت
وحتى زوجي تصدم كان الاتفاق يكون معي ابي فقط نروحوا لمدينته نعقد ونروح من تم لتم ههه

بصح ام زوجي قالت مستحيل لازم ندير كيما درت لباقي لكناين

ولا كورتاج وغدا وتصديرة واهلي كامل جاو وعندهم لعروس تروح للبلدية ومعاها اهلها كامل

ويدوا القاطوا والعصيرو المكسرات....الخ

مع انه عمي ما شتاش عنا عيب الطفلة تروح لدار زوجها قبل الزفاف وكان حاب من البلدية نروحوا لخنشلة لكن اهل زوجي قالوا لازم تتغدوا

يعني عاداتهم مختلفة جدا عن عاداتنا


من بعد تجي المناسبات انا ما طولتش بعد مدة كان العرس يعني جاوني غير مرتين مرة جابو خاتم ومرة

منقوشات










واذا لعروس تطول مثلا العرس بعد عامين

كل عيد فطر واضحى حاجة ذهب هههههه

يعني تفلسوا ههههه

.........


في العرس عنا عادات رووووعة


يبدوا قبل باسبوع والضيوف تجي ويومي تذبح ذبيحة وقبل العرس بيوم تذبح من 4 حتى 12 ذبيحة واحيانا

اكثر ( عرس عمي 15 ذبيحة وما كفاتش ) عنا الغاشي بزاف

اعمامي واولاد عمومة ابي واولادهم وحدوهم ليهم 6 ذبايح هههههه


طيلة الاسبوع البربوشة و والشربة لازم والي يجي يتغدا ويتشعا واذا فضل نوزعوا على الجيران طيلة الايام الي قبل العرس

ويوم الاربعاء قبل العرس بنهار تذبح الذبائح ونديروا بكبوكة مع الشربة


وتكون ليلة حنة لعريس يعني سهرة خاصة به واصحابه ويكون لهم طعام خاص
مفرمسة (شخشوخة ملاوي )
كمونية
بوراك
حميص
طاجين حلو
لحم محمر

يعني تكون سهرة خاصة بيهم

ومن بعد جدة لعريس تروح باه تحنيلوا هو وصحابه

ومن غدوة العرس اذا لعروس قريبة الكورتاج يروح معاه الفرسان

وعلى طول الطريق الرحابة يرحبوا مع البارود

واذا بعيدة يستقبلوهم بعد الرجوع فقط



في الليل عندنا عادة " صماط الليل " بالشدة على حرف الميم يجتمع كل النسوة


وينقسموا اهل العروس في مكان واهل العريس في مكان
وفي الوسط نحطوا صينيات كلها حلويات ومكسرات ومثلجات

نحن نديروا المحلبي فلان نشروا مثلجات مع سلطة فواكه وعصائر باردة

ويبدا النساءفي الغناء

قبل كنت اراهم يطبلوا ببدون نتاع الماء 20 لتر لونه ازرق ههههههه

وضركا بالدف

الاغنيات اهل العروس يفتخروا ببنتهم ويبينوا مزاياها

واهل العريس نفس الشيئ

المهم تمر سهرة روعة



وعندنا حتى عرس الطفلة يديروه انا داروها واهل زوجي بقاو غير متعجبين ما فهمين والو هههههه

يعني معظم الاغنيات بالشاوية

بصح عجبهم الحال

وسماط الليل على اهل العروس

من المساء تبدا توجد


كذلك من عاداتنا


لما توصل لعروس نانا تكون اول من يستقبلها وتنحي الفولارة الي في راسها وتحركها وتغني اغنية

ترحبية

ومن بعد دخل هي لعروس ويجيبولها حليب وتمر

وفي اليوم الثاني عندنا عادة ربما اندثرت حتى عند الشاوية نفسهم لكن نحن مازلت عندنا



لعروسة على الفجر ينوضوها ههههه وتلبس الملحفة شرط الملحفة مع الجبين والفضة

ويدخلوها للكوزينة ههههه

ويحطولها الدقيق وقدر كبيرة ويقولوزلها ديري البغرير هههههه

ولازم قبل ما يستيقظ الضيوف تكون كملت كمية كبيرة

نانا تقول هنا تبان الزوجة اذا فحلة وصبورة ولا لا ( اختبار قاسي هههه)


واذا حماتها حنونة ما تخليهاش تكمل وتقول نكمل عليك

اما اذا كانت حماة واعرة ههههه تخليها حاصلة حتى تكمل


ومن بعد تروح تبدل وتبدا التصديرة نحن ما عناش اخ زوجها يدخل ويحزمها ممنووووووووووع

تتحزم وحدها

ويدخل شيخها يسلم عليها ويعطيلها مبلغ من المال وخلاص


هذه هي اعراسنا صح المهرغالي لكن العرس يكون رائع


وكاين بزاف عادات مثل الترحيبة نديروها النسا نلبسوا كامل ملاحف

ونكون صفين متقابلين وحدة تغني

والباقي يرحب



-------


ملاحظة نحن صح نغلي المهور لكن العروس تخرج ضعف المهر

من ذهب واغراض للبيت


لازم محزمة الذهب وكل واحد ومقدوره

اختي قبل ماما دارت ليها غير الفم واللويزات ذهب

اما نتاعي مشبكة كامل


وماما وخالاتي عندهم عادة مليحة مين تجيهم طفلة يبدوا يجملولها ذهب وهي مازالت بيبي (ام لينة ابدي وجدي لكنتي ليوونة من ضركا :d:d)
يعني كل مرة يشروا حبات لويز ويخبوهم حتى تكمل لمحزمة

وشيئ اخر كل الي تكلمت عليه لبسته لمدة ساعة فقط يعني تصديرتي راهي مخليتها لاي واحد يسلفها قلت لماما الي يطلب مديها له خاصة المجبود الي تحني تطلب نتاعي
ذهبي اصلا انا والذهب ما نتفاهموش خاصة كيكون شيئ كبير نحب البسيط خاتم وسلسال واقراط رقاق يكفي
المقياس والمحزمة لبستهم ساعة واحدة باجبار من ماما

وبعدهها ولا مرة لبستهم


وحتى اذا رحت لعرس محال نلبس

افضل الاكسسوارات على الذهب

وهذا الذهب الي داروه لي اهلي وكل من اختيار امي يعني ذوقي بعيد جدا عن مثل هذا


المحزمة






زوج خواتم











سلسال نتاع دوم





هذا بالذات ما جاش في رقبتي ولو دقيقة ههههه اكرهه بشدة


.................


وهذا نسموه لعجار ويتلبس مع الالبسة الثقيلة


والمنقوشات لقاتهم ماما صدفة يشبهوا له فيهم لويزة فشراتهم معاه







ومنقوشات صغار للدوم






واسورة تشبه للمناقش الي جابوهم ليا في احد المناسبات

الاسورة رقم اثنين نتاع الحلقات
لانه الاولى شريتها مؤخرا





الذهب قلت سابقا من الصغر وماما تجمل لينا كل مرة تحط لينا على حاجة وهكا تنقص

***

من عاداتنا في خروج لعروسة

تبقى اخر واحد فيالبيت يعني كامل الي رايحين معها يركبوا في السيارات
وتبقى هي
يدخل باباها وعمها لكبير ولا جدها

ويخرجوها
بطريقة واحد ما يشوفها
هي تكون لابسة برنوس
وزيد يغطوها كل واحد ببرنوسه لانها في الوسط

حتى توصل للسيارة الي راح تركب فيها
مع طلقات البارود

وينتج عنه صمم العروس لمدة ساعتين على الاقل من صوت الرصاص هههههه

---------------------

وعادة اخرى لما نجيبوا كنة اهل العروس يكون عشاهم المسلان كامل مع البربوشة مزينة بالزبيب والبيض ....الخ

وتاني لعروسة نهار الي راح تروح لبيتها في هاذيك الليلة اخر ليلة عند اهلها تعمل قصعة لحلال

تعرض جميع العازبات من الاهل والجيران والصديقات

ويعملو عشاء لهم

بربوشة مع لحم غير مقطع يعني فخذ الخروف كامل وباقي الاجزاء ايضا كاملة

ويحطوها في قصعة نتاع لوح وفي الوسط يحطوا دهان نتاع البقرة

ومن بعد يسقوه بالمرق ويحطوا عليه قطع اللحم وتاكل هي ولبنات في لمة وحدة

وبعد وحدة منهم تتكفل بعمل الحنة لها في رجلها ويديها مع اغاني الحنة

منها :

يا لالة مد يدك للحنة ......



.............................




ومن عاداتنا نخرج كل انواع الاثاث حسب الامكانية
صالون (كاين الي تدي ارائك وكاين بونكات ) مائدة ..غسالة.. كل لوازم المطبخ وكاين الي تدي ثلاجة وكوشة واشياء كثيرة ...افرشة وزرابي يعني كل شيئ تديه معها حتى لو كانت راح تعيش مع اهل زوجها


كذلك هدايا لعماته وخالاته وجداته واخواته واخوته ونساء اخوته وامه وابوه هدايا خاصة
والهدايا ماشي صابونة وعطر لا

قماش غالي الثمنوللرجال مناشف وعطر نوع جيد

وابوه قميص وعطر

وامه كسوة كاملة (قندورة حجاب خمار حداء وعطر )

يعني طلعت ضعف المهر

------
اتمنى نكون وصلت ليكم بعض عاداتنا

وان شاء الله تعجبكم












العرس الشاوي من بيتنا (مجهودي الخاص )

آخر مواضيعي

العرس الشاوي من بيتنا (مجهودي الخاص )

ملف كامل حلويات عيد الفطر 2016


صدور كروشي 2015


قنادرقطيفة 2016


فساتين بيت 2015


قنادر قطيفة 2016



التعديل الأخير تم بواسطة أم التوام ; 2016-05-09 الساعة 21:48
عرض البوم صور أم التوام   رد مع اقتباس

قديم 2015-06-05, 00:48   المشاركة رقم: 10 (permalink)
المعلومات
الكاتب:

البيانات
التسجيل: Feb 2015
العضوية: 21
الجنس :
ذكــــــر
الدوله :
الجزائر
المشاركات: 1,744 [+]
بمعدل : 1.70 يوميا
عدد المواضيع : 814
عــدد الــردود : 930
اخر زياره : [+]
معدل التقييم: 66
نقاط التقييم: 742
تلقى إعجابات : 890
أرسل إعجابات : 1259
الحالة:
محمد إسلام غير متواجد حالياً
محمد إسلام is a splendid one to beholdمحمد إسلام is a splendid one to beholdمحمد إسلام is a splendid one to beholdمحمد إسلام is a splendid one to beholdمحمد إسلام is a splendid one to beholdمحمد إسلام is a splendid one to beholdمحمد إسلام is a splendid one to behold
 


كاتب الموضوع : أم لينة المنتدى : التراث الجزائري و العربي و الاسلامي
افتراضي

مشكورةام التوام على هذه المعلومات الرائعة عن العرس الشاوي طبعا وبلادنا الحبيبة تقاليدها متنوعة من منطقة إلى أخرى ملاحظة أخرى : جزيل الشكل على نشر الصور الخاصة بك من ذهب و ملابس ل.يكون الموضوع شامل أكثر .لكن بكل صراحة الذهب عندكم مشروط ............واش يعمل ألي ماعندوش ...هههه











أم التوام و أم لينة معجبون بهذه.
آخر مواضيعي

طريقة حذف وازالة حساب الفيس بوك نهائيا في 30 ثانية


حلول تمارين الكتاب المدرسي لغة فرنسية 2 متوسط


تحضير جميع دروس التربية المدنية للسنة الاولى متوسط


حلول جميع تمارين الفيزياء للسنة الاولى ثانوي جذع مشترك آداب و لغات


معادلة تفاعل حمض الاكساليك مع حمض برمنغنات البوتاسيوم



التعديل الأخير تم بواسطة أم التوام ; 2016-05-09 الساعة 21:50
عرض البوم صور محمد إسلام   رد مع اقتباس
إضافة رد

مواقع النشر (المفضلة)

الكلمات الدلالية (Tags)

....ادخل, (مجهودي, الخاص, الشاوي, الغرض, احكيلنا, اغراض, بلادك, عوايد, عادات

المواضيع المتشابهه
الموضوع كاتب الموضوع المنتدى مشاركات آخر مشاركة
تبغي تضحك ادخل هنا ههه أم التوام منتدى النكت والطرائف والالغاز 1 2015-06-11 01:55
مشاكل النوم اعراض التوتر tAmmAm الطب النفسي وتطوير الذات 0 2015-03-15 17:33
اعراض هبوط الرحم و تعريفه امير النت الامومة والصحة الخاصة بحواء 1 2015-03-05 17:48


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG] متاحة
كود HTML معطلة
المراجع : متاحة
المصادر : متاحة


 

الساعة الآن 08:11 بتوقيت الجزائر
المنتدى غير مسؤول عن أي اتفاق تجاري أو تعاوني بين الأعضاء, فعلى كل شخص تحمل مسئولية نفسه.
التعليقات المنشورة لا تعبر عن رأي منتديات الوادي انفو ولا نتحمل أي مسؤولية حيال ذلك (ويتحمل كاتبها مسؤولية النشر).


Powered by vBulletin® Copyright ©2000 - 2017, Jelsoft Enterprises Ltd.
SEO by vBSEO TranZ By Almuhajir, منتدى الوادي , منتدى وادي , منتدى الجزائر